ବିଜେଡିର ଆୟୁଷ କମ ଦିନ: ଜୟନାରାୟଣ
Rasmita Behera
ଭୁବନେଶ୍ୱର: ବରିଷ୍ଠ ବିଜେପି ନେତା ଜୟନାରାୟଣ ମିଶ୍ର ଶୁକ୍ରବାର ବିଜେଡି ବିରୋଧରେ ବର୍ଷିଛନ୍ତି । ସେ କହିଛନ୍ତି ଯେ ବିଜେଡିର ଆୟୁଷ କମ ଦିନ । ବହୁ ଜଲଦି ବିଜେଡି ଭାଙ୍ଗି ଛିନଛତ୍ର ହୋଇଯିବ । ବହୁ ବିଜେଡି ନେତା ଯୋଗାଯୋଗରେ ଅଛନ୍ତି । ତେବେ ସେମାନଙ୍କୁ ଦଳରେ ସାମିଲ କରିବା ବେଳେ ଦୁର୍ନୀତିମୁକ୍ତଙ୍କ କଥା ବିଚାର କରାଯିବ । ବିଜେଡି ପାଖରେ ଆଉ ନେତୃତ୍ୱ ନାହିଁ । ନେତାଙ୍କୁ ଚାକର ଭଳି ରଖିଥିଲେ, ଏବେ ରିଭେଞ୍ଜ ମୁଡକୁ ଆସିଯାଇଛନ୍ତି । ନେତାମାନେ ଦରି ପକାଇବା, ଟେଣ୍ଟ ଗାତ ଖୋଳିବା ସହ ଚେୟାର ବୋହିଲେ ବୋଲି ଜୟନାରାୟଣ ମିଶ୍ର କହିଛନ୍ତି ।
ଏଠାରେ ଉଲ୍ଲେଖ ଯୋଗ୍ୟ ଯେ ନିର୍ବାଚନ ପରେ ପରେ ବିଜେଡିର ଦଳୀୟ କନ୍ଦଳ ତଥା ନେତା ଓ କର୍ମୀଙ୍କ ମଧ୍ୟରେ ଥିବା ଅସନ୍ତୋଷ ଏବେ ଧୀରେ ଧୀରେ ପଦାକୁ ଆସିବାରେ ଲାଗିଛି । ବହୁ ବିଜେଡି ନେତାଙ୍କ ମଧ୍ୟରେ କାଦୁଅ ଫିଙ୍ଗା ରାଜନୀତି ଚାଲିଛି । ପରସ୍ପରକୁ ଦୋଷାରୋପ କରୁଛନ୍ତି ।ସବୁଠାରୁ ବଡ଼ କଥା ହେଲା ଯେ ବିଜେଡିର କିଛି ରାଜ୍ୟସଭା ସାଂସଦ ବିଜେଡି ଛାଡ଼ିପାରନ୍ତି ବୋଲି ଖୋଦ ବିଜେଡି ନେତା ମଧ୍ୟ କହୁଛନ୍ତି ।
