ସଞ୍ଜୟ ରାୟଙ୍କୁ ମୁଖ୍ୟ ଅଭିଯୁକ୍ତ: ମହିଳା ଡାକ୍ତରଙ୍କୁ ବଳାତ୍କାର-ହତ୍ୟା ଘଟଣା
Rasmita Behera
କୋଲକାତା : ପଶ୍ଚିମବଙ୍ଗର ରାଜଧାନୀ କୋଲକାତାସ୍ଥିତ ଆର.ଜି କର ହସ୍ପିଟାଲରେ ଜଣେ ଜୁନିଅର ମହିଳା ଡାକ୍ତରଙ୍କୁ ବଳାତ୍କାର ଓ ହତ୍ୟା ମାମଲାରେ ସଞ୍ଜୟ ରାୟଙ୍କୁ ମୁଖ୍ୟ ଅଭିଯୁକ୍ତ କରାଯାଇଛି। ସିବିଆଇ ସୂତ୍ର ଅନୁଯାୟୀ, ପ୍ରାୟ ୨୦୦ ଜଣଙ୍କ ବିବୃତ୍ତି ଏହି ମାମଲାରେ ଚାର୍ଜସିଟରେ ରେକର୍ଡ କରାଯାଇଛି। ଏହି ମାମଲାର ରହସ୍ୟ ସମାଧାନ କରୁଥିବାବେଳେ ସିବିଆଇ ପୂର୍ବରୁ ଗିରଫ ଅଭିଯୁକ୍ତ ସଞ୍ଜୟ ରୟଙ୍କୁ ହତ୍ୟା ଏବଂ ବଳାତ୍କାରର ମୁଖ୍ୟ ଅଭିଯୁକ୍ତ ବୋଲି କହିଛି।
ଏହି ମାମଲାରେ ମୁଖ୍ୟ ଅଭିଯୁକ୍ତ ସଞ୍ଜୟ ରାୟଙ୍କୁ ଗିରଫ କରାଯାଇଥିଲା। ଭାରତୀୟ ଜନତା ପାର୍ଟି ଏ ସମ୍ପର୍କରେ ମମତା ବାନାର୍ଜୀଙ୍କୁ ଆକ୍ରମଣ କରୁଛି। ଏହି ମାମଲା ଯୋଗୁ ପଶ୍ଚିମବଙ୍ଗ ସରକାରଙ୍କ ବିରୋଧରେ ଅନେକ ଅଭିଯୋଗ ଆସୁଛି ଯେପରିକି ମାମଲାକୁ ହାଲୁକା କରିବା ଏବଂ ପ୍ରମାଣ ଲୁଚାଇବା। ପରିସ୍ଥିତି ଏପରି ଥିଲା ଯେ ଅନେକ ଡାକ୍ତର ଏହି ପ୍ରସଙ୍ଗରେ ଡ୍ୟୁଟି କରିବା ବନ୍ଦ କରିଦେଇଥିଲେ, କିନ୍ତୁ ଅନେକ ଚେଷ୍ଟା ପରେ ଏବଂ ପରିସ୍ଥିତିକୁ ବିଚାର କରି ଡାକ୍ତରମାନେ ଡ୍ୟୁଟି କରିବା ଆରମ୍ଭ କରି ଦେଇଛନ୍ତି।
