ପାନପତ୍ର ଚୋବାନ୍ତୁ ମିଳିବ ଅନେକ ସମସ୍ୟାରୁ ମୁକ୍ତି
Rasmita Behera
ଅଧିକାଂଶ ଭାରତୀୟ ଖାଦ୍ୟ ପରେ କିଛି ମିଠା ଖାଇବାକୁ ପସନ୍ଦ କରନ୍ତି। ତଥାପି ମିଠା ସ୍ବାସ୍ଥ୍ୟ ପାଇଁ ଭଲ ନୁହେଁ। ଆପଣ ପ୍ରତ୍ୟେକ ଖାଦ୍ୟ ପରେ ଏକ ପାନ ଖାଇପାରିବେ। ଏହାର ହାଲୁକା ମିଠା ସ୍ବାଦ ଆପଣଙ୍କୁ କେବଳ ସନ୍ତୋଷ ଦେବ ନାହିଁ, ବରଂ ଆପଣଙ୍କ ସ୍ବାସ୍ଥ୍ୟକୁ ଅନେକ ଉପାୟରେ ଲାଭ ଦେବ। ଖାଦ୍ୟ ଖାଇବା ପରେ ପାନ ଚୋବାଇବାରେ ମିଳିଥାଏ କିଛି ଲାଭ।
ପାନପତ୍ର ଏକ ପ୍ରାକୃତିକ ପାଚନ ଶକ୍ତି ବୃଦ୍ଧିକାରୀ ଭାବରେ କାର୍ଯ୍ୟ କରେ, ଯାହା ପେଟର ଏନ୍ଜାଇମଗୁଡ଼ିକୁ ସକ୍ରିୟ କରେ। ଏହା ଯୋଗୁ ଖାଦ୍ୟ ଶୀଘ୍ର ହଜମ ହୁଏ ଏବଂ ଏସିଡିଟି କିମ୍ବା ପେଟ ଯନ୍ତ୍ରଣା ପରି ସମସ୍ୟା ହୁଏ ନାହିଁ। ପାନପତ୍ର ଏକ ପ୍ରାକୃତିକ ମୁଖ ସତେଜକାରୀ। ଏହା ମୁହଁରେ ଥିବା ଜୀବାଣୁକୁ ମାରିଦିଏ ଏବଂ ଏହାକୁ ଦୀର୍ଘ ସମୟ ପାଇଁ ସତେଜ ରଖେ। ଖାଇବା ପରେ ପାନ ପତ୍ର ଖାଇବା ଲାଭଦାୟକ। କୋଷ୍ଠକାଠିନ୍ୟ ଭଳି ସମସ୍ୟାରେ ମଧ୍ୟ ପାନ ପତ୍ର ଆରାମ ଦେଇଥାଏ। ଏଥିରେ ଥିବା ଏନଜାଇମଗୁଡ଼ିକ ପେଟର ପିଏଚ୍ ସ୍ତରକୁ ସନ୍ତୁଳିତ କରନ୍ତି, ଯାହା ଫଳରେ ପେଟରେ ଜମା ହୋଇଥିବା ମଳ ବାହାରକୁ ଆସିଥାଏ। ପାନପତ୍ର ଖାଇବା ଦ୍ୱାରା ରକ୍ତରେ ସୁଗାର ଲେବଲ ନିୟନ୍ତ୍ରଣରେ ରହିଥାଏ, ଯାହା ଡାଇବେଟିସ୍ ରୋଗୀଙ୍କ ପାଇଁ ଲାଭଦାୟକ। ରୋଗ ପ୍ରତିରୋଧକ ଶକ୍ତି ପାଇଁ ପାନପତ୍ରରୁ ଆଣ୍ଟିଅକ୍ସିଡାଣ୍ଟ ମିଳିଥାଏ। ଯାହା ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ। ଏହା ଆମର ରୋଗ ପ୍ରତିରୋଧକ ଶକ୍ତିକୁ ଦୃଢ଼ କରେ ଏବଂ ଆମେ ଋତୁକାଳୀନ ରୋଗରୁ ରକ୍ଷା ପାଇପାରିବା।
