ଭାରତ ଧର୍ମଶାଳା ନୁହେଁ: ସୁପ୍ରିମକୋର୍ଟ
Rasmita Behera
ନୂଆଦିଲ୍ଲୀ: ଭାରତ ଏକ ଧର୍ମଶାଳା ନୁହେଁ । ଆମ ଦେଶରେ ୧୪୦ କୋଟି ଲୋକ ଅଛନ୍ତି । ବିଶ୍ୱର ଶରଣାର୍ଥିମାନଙ୍କୁ ଭାରତ ଆତିଥ୍ୟେୟତା ଦେଇପାରିବ ନାହିଁ । ଶ୍ରୀଲଙ୍କାର ଜଣେ ନାଗରିକ ଭାରତରେ ରହିବା ପାଇଁ ସୁପ୍ରିମକୋର୍ଟରେ ଆବେଦନ କରିଥିବାବେଳେ ଜଷ୍ଟିସ୍ ଦୀପଙ୍କର ଦତ୍ତ ଓ କେ ବିନୋଦ ଚନ୍ଦ୍ରନଙ୍କ ଖଣ୍ଡପୀଠ ଏଭଳି ମନ୍ତବ୍ୟ ଦେଇଛନ୍ତି ।
ଶ୍ରୀଲଙ୍କା ତାମିଲ ନାଗରିକ ନିଜ ଦେଶକୁ ଫେରିବାକୁ ଚାହୁଁନାହାନ୍ତି । ଜେଲରୁ ଫେରିବା ପରେ ତାଙ୍କୁ ଶ୍ରୀଲଙ୍କା ଯିବାକୁ ନିଦେ୍ର୍ଦଶ ଦିଆଯାଇଥିଲା । କିନ୍ତୁ ଶ୍ରୀଲଙ୍କାରେ ତାଙ୍କ ଜୀବନ ପ୍ରତି ବିପଦ ରହିଛି ବୋଲି ଦର୍ଶାଇ ସେ ସୁପ୍ରିମକୋର୍ଟରେ ନିବେଦନ କରିଥିଲେ । ତେବେ ତୁମେ ଅନ୍ୟ ଦେଶକୁ ଚାଲିଯାଅ ବୋଲି ସୁପ୍ରିମକୋର୍ଟଙ୍କ ଦୁଇଜଣିଆ ଖଣ୍ଡପୀଠ କହିଛନ୍ତି । ୭ ବର୍ଷ ଜେଲ ଦଣ୍ଡ ଭୋଗିବା ପରେ ମାଡ୍ରାସ ହାଇକୋର୍ଟ ସଂପୃକ୍ତ ବ୍ୟକ୍ତିଙ୍କୁ ତୁରନ୍ତ ଶ୍ରୀଲଙ୍କା ଚାଲିଯିବାକୁ ନିଦେ୍ର୍ଦଶ ଦେଇଥିଲେ । ତାଙ୍କର ପନôୀ ଓ ପିଲା ଭାରତରେ ରହିଛନ୍ତି ବୋଲି ତାଙ୍କର ଓକିଲ ଯୁକ୍ତି ବାଢ଼ିଥିଲେ । ତେବେ ସଂପୃକ୍ତ ଶ୍ରୀଲଙ୍କା ନାଗରିକଙ୍କ ପାଇଁ ଆମ ସମ୍ବିଧାନର ଧାରା ୧୯ ଲାଗୁ ହେବନାହିଁ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଥିଲେ ।
