ଅଭୟପୁରରେ ମାଗଣା ସ୍ୱାସ୍ଥ୍ୟ ଶିବିର
Rasmita Behera
4913
ଧର୍ମଶାଳା: ରବିବାର ଅଂଶୁମାନ ମେମୋରିଆଲ ଟ୍ରଷ୍ଟ ଆୟୋଜନରେ ଅଭୟପୁର ପଞ୍ଚାୟତରେ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ଶିବିରକୁ ଟ୍ରଷ୍ଟର ସମ୍ପାଦକ ଶୀତାଂଶୁ ଶେଖର ସାହୁ, ସମାଜସେବୀ ତୀର୍ଥରାଜ ପଣ୍ଡା, ଯୁବସଙ୍ଗଠକ ରାଜେଶ କୁମାର ପାଳ ଉଦଘାଟନ କରିଥିଲେ । ଶିବିରରେ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ ପହଁଚି ରୋଗୀ ଓ ସେମାନଙ୍କ ସମ୍ପର୍କିୟମାନଙ୍କ ସହିତ ଆଲୋଚନା କରିବା ସହିତ ସ୍ୱାସ୍ଥ୍ୟ ଶିବିର ପରିଚାଳନା ସମ୍ପର୍କରେ ପଚାରି ବୁଝିଥିଲେ । ହାଇଟେକ ମେଡିକାଲର ଅଭିଜ୍ଞ ଡାକ୍ତରଯୋଗଦେଇ ମଧୁମେହ, ରକ୍ତଚାପ, ଶିଶୁରୋଗ, ଚର୍ମ ଆଦି ରୋଗର ଚିକିତ୍ସା କରିଥିଲେ । ରୋଗୀମାନଙ୍କୁ ଟ୍ରଷ୍ଟ ପକ୍ଷରୁ ୩ ମାସ ପାଇଁ ମାଗଣା ଔଷଧ ବଂଟନ କରାଯାଇଥିଲା । ଅଭୟପୁର ଓ ଏହାର ଆଖପାଖ ଅଂଚଳରୁ ପ୍ରାୟ୫୦୨ଜଣ ରୋଗୀ ସେମାନଙ୍କ ରୋଗ ପରୀକ୍ଷା କରାଇଥିଲେ । ଏହି ଅବସରରେ ଟ୍ରଷ୍ଟ ପକ୍ଷରୁ ଉପସ୍ଥିତ ରୋଗୀ ଓ ତାଙ୍କ ସମ୍ପର୍କିୟମାନଙ୍କୁ ମଧୁମେୟ ରୋଗ ସମ୍ପର୍କରେ ସଚେତନତା କରାଯାଇଥିଲା ।
