"ଆଉ ବନ୍ଧୁକ ଧରୁନାହାନ୍ତି କାଶ୍ମୀର ଯୁବକ' : ଏୟାର ଷ୍ଟ୍ରାଇକକୁ ନେଇ ପାକିସ୍ତାନ ଭୟଭୀତ
Rasmita Behera
ାା ଏଜେନ୍ସି ।ା ନୂଆଦିଲ୍ଲୀ : ଦିନ ଥିଲା ପାକିସ୍ତାନକୁ ଆତଙ୍କବାଦୀ ପଠାଇବାକୁ ପଡୁନଥିଲା । କାଶ୍ମୀର ଯୁବକମାନେ ବନ୍ଧୁକ ଧରୁଥିଲେ । ହେଲେ ଗତ ୬ ମାସ ମଧ୍ୟରେ ଜଣେ ବି କାଶ୍ମୀର ଯୁବକ ଆତଙ୍କବାଦୀ ସଂଗଠନରେ ସାମିଲ୍ ହୋଇନାହାନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଶ୍ମୀର ଯାଇ ସ୍ଥାନୀୟ ସରପଞ୍ଚ, ଯୁବକ, ଆଧ୍ୟାତ୍ମିକ ବ୍ୟକ୍ତିଙ୍କୁ ଭେଟିି ବ୍ୟକ୍ତିଗତ ଭାବେ ଆଲୋଚନା କରିଛନ୍ତି । ଆତଙ୍କବାଦ ଖତମ ହୋଇନଥିଲେବି ଆତଙ୍କୀ ଘଟଣା କିନ୍ତୁ କମିଯାଇଛି । ଏବେବି ପାକିସ୍ତାନ ଭାରତକୁ ଆତଙ୍କବାଦୀଙ୍କୁ ପଠାଇବା ପାଇଁ ଉଦ୍ୟମ କରୁଛି । ମୋଦି ସରକାର ଅନୁପ୍ରବେଶକାରୀ ସମ୍ପୂର୍ଣ୍ଣ ବନ୍ଦ କରିବାକୁ ସଂକଳ୍ପ ନେଇଛନ୍ତି । କଂଗ୍ରେସ ନେତା ଚିଦାମ୍ବରମ୍ କହୁଛନ୍ତି, ଅପରେସନ୍ ସିନ୍ଦୂର ନିର୍ଣ୍ଣାୟକ ନୁହେଁ । ତେବେ ୧୯୬୫ ଓ ୧୯୭୧ ଯୁଦ୍ଧ କ’ଣ ନିର୍ଣ୍ଣାୟକ ଥିଲା ? ଯଦି ଥିଲା ତେବେ ଆତଙ୍କବାଦୀଙ୍କ ବିସ୍ତାର କିଭଳି ହେଉଛି ବୋଲି ଶାହ ପ୍ରଶ୍ନ କରିଛନ୍ତି । ଏୟାର ଷ୍ଟ୍ରାଇକ୍ ଓ ସର୍ଜିକାଲ ଷ୍ଟ୍ରାଇକ୍ ପାକିସ୍ତାନ ମନରେ ଭୟ ସୃଷ୍ଟି କରିଛି । ପାକିସ୍ତାନ ସହ ଅସ୍ତ୍ରବିରତି ପାଇଁ କେହି ବାଧ୍ୟ କି ଚାପ ପକାଇନଥିଲେ । ପାକିସ୍ତାନ ଆଣ୍ଠେଇଗଲା । ପାକ୍ ଡିଜିଏମଓ ଫୋନ୍ କରି ନିବେଦନ କଲେ । ଆରମ୍ଭରୁ ଯୁଦ୍ଧ ଆମର ଉଦେ୍ଦଶ୍ୟ ନଥିଲା । ଆମେ ପାକିସ୍ତାନର ଲୋକମାନଙ୍କୁ କ୍ଷତି ପହଁଚାଇବାକୁ ଚାହୁଁନଥିଲୁ । ପାକିସ୍ତାନ ଆକ୍ରମଣ ବନ୍ଦ କଲେ ଭାରତ ଆକ୍ରମଣ ବନ୍ଦ କରିବ ବୋଲି ପ୍ରଧାନମନ୍ତ୍ରୀ କହିଥିଲେ । ସେହିପରି ଅନେକ କହୁଛନ୍ତି, ପ୍ରଧାନମନ୍ତ୍ରୀ କାହିଁକି ଗୃହକୁ ଆସିଲେ ନାହିଁ । ପ୍ରଧାନମନ୍ତ୍ରୀ ଅଫିସ୍ କାର୍ଯ୍ୟରେ ବ୍ୟସ୍ତ ଅଛନ୍ତି । ଯଦି ମୁଁ ସବୁକିଛି ସ୍ପଷ୍ଟ କରିପାରୁଛି ତେବେ ସେ ଆସିବା ପାଇଁ କାହିଁକି ବାଧ୍ୟ କରାଯାଉଛି । ଭୋଟ୍ ବ୍ୟାଙ୍କ ରାଜନୀତି ପାଇଁ କଂଗ୍ରେସ ହିଁ ଆତଙ୍କବାଦକୁ ପ୍ରୋତ୍ସାହିତ କରୁଥିଲା । ଆତଙ୍କବାଦ ନେଇ ସେମାନଙ୍କର କହିବାର ଅଧିକାର ନାହିଁ ବୋଲି ଶାହ କହିଥିଲେ ।
