ଆରଜି କର ମେଡିକାଲ କଲେଜ ହସ୍ପିଟାଲ ବିବାଦ-୮୦ ସଙ୍ଗଠନଙ୍କ ନ୍ୟାୟ ଦାବି
Henamanjaree Swain
5093
କୋଲକାତା: - ଆରଜି କର ମେଡିକାଲ କଲେଜ ଓ ହସ୍ପିଟାଲ ସହିତ ମାମଲାର ଯାଂଚ ଓ ନ୍ୟାୟ ଦାବିକୁ ନେଇ ବିଭିନ୍ନ ଡାକ୍ତର ସଙ୍ଗଠନ ଓ ନାଗରିକ ସମାଜର ୮୦ରୁ ଅଧିକ ସଙ୍ଗଠନ ଏକଜୁଟ ହୋଇଛନ୍ତି । ଡାକ୍ତରଙ୍କ ଆନେ୍ଦାଳନ ତୀବ୍ର ହେବ ବୋଲି ଏଥିରୁ ସ୍ପଷ୍ଟ ହୋଇଛି । ଏହି ସଙ୍ଗଠନ ଅଭୟା ମଂଚ ନାମକ ଏକ ମିଳିତ ପ୍ଲାଟଫର୍ମ ପ୍ରସ୍ତୁତ କରିଛି । ଏହି ମଂଚ ଅନୁସାରେ, ନଭେମ୍ବର ୪ରେ ଦ୍ରୋହର ପ୍ରକାଶ ଅଭିଯାନ ଓ ନଭେମ୍ବର ୭ରେ ଜନତାଙ୍କ ଚାର୍ଜସିଟ କାର୍ଯ୍ୟକ୍ରମ ଆୟୋଜିତ କରାଯିବ । ଏହି ଆୟୋଜନରେ ତଦନ୍ତ ପ୍ରକ୍ରିୟାରେ ଅଭାବକୁ ଉଜାଗର କରାଯିବ । ମଂଚ ମୁତାବକ ନ୍ୟାୟର ଦାବିକୁ ନେଇ ସାରା ରାଜ୍ୟରେ ବ୍ୟାପକ ପ୍ରଚାର ଅଭିଯାନ ବି ଚଳାଯିବ ।
