ଓଡ଼ିଆ ପକ୍ଷ ପାଳନ ନେଇ ପ୍ରସ୍ତୁତି
Rasmita Behera
ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତରଫରୁ ଆସନ୍ତା ୧ତାରିଖରୁ ଆସନ୍ତା ୧୪ତାରିଖ ପର୍ଯ୍ୟନ୍ତ ଓଡ଼ିଆ ପକ୍ଷ ପାଳନ କରାଯିବ । ସରକାରଙ୍କ ର୍ନିେଶ ଅନୁଯାୟୀ ୧ତାରିଖରୁ ୧୪ପର୍ଯ୍ୟନ୍ତ ପ୍ରତ୍ୟେକ ଦିନ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବ । ଅତରିକ୍ତ ଜିଲ୍ଲାପାଳ ନବୀନ ନୟାକଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଆୱାସି ମାଧ୍ୟମରେ ଅନୁଷ୍ଠିତ ହୋଇଥିଲା । ଏପ୍ରିଲ ପହିଲାରେ ଓଡିଶା ଦିବସକୁ ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗ ଆୟୋଜନ କରିବ । ଦୁଇତାରିଖରେ ଖଡ଼ିଛୁଆଁ ଦିବସ ଭାବରେ ସ୍କୁଲ ଓ ଗଣ ଶିକ୍ଷା ଓ ମହିଳା ଓ ଶିଶୁ ବିକାଶ ବିଭାଗ ଦ୍ୱାରା କରାଯିବ, ତିନି ତାରଖରେ ପରମ୍ପାରିଖ ପୋଷାକ ପରିଧାନ, ଚରିତାରିଖରେ ନାମ ଫଳକ ଅଭିଯାନ, ପାଞ୍ଚ ତାରିଖରେ ଗଣ ୌଡ଼, ଛଅ ତାରିକରେ ଦେବାଳୟ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହେବ । ସାତ ତାରିଖରେ ସଂସ୍କୃତି ବିଭାଗ ତରଫରୁ ବର୍ଣ୍ଣବୋଧ ବଣ୍ଟନ କରାଯିବ । ଆଠ ତାରିଖରେ ସ୍ୱାସ୍ତ୍ୟ ବିଭାଗ ତରଫରୁ ରକ୍ତଦାନ କାର୍ଯ୍ୟକ୍ରମ ଆୟୋଜନ କରାଯିବ । ନଅ ତାରିଖ ଦିନ ଆସ ବହି କିଣିବା ଦିବସ ପାଳନ କରାଯିବ । ଦଶ ତାରିଖରେ ଦିନ ଲୋକକଳାକାର ଦିବସ ପାଳନ କରାଯିବ ଓ ବରିଷ୍ଠ କଳାକାର ମାନଙ୍କୁ ସମ୍ମକ୍ଷନିତ କରାଯିବ । ସେହିପରି ଏଗାର ତାରିଖରେ ଉଚ୍ଚ ଶିକ୍ଷା ବିଭାଗ ତରଫରୁ ୟୁବ ଲେଖକ ଦିବସ ଭାବରେ ପାଳନ କରାଯିବ । ବାର୍ତାରିଖରେ ବରପୁତ୍ରଙ୍କ ବିଷୟରେ ଆଲୋଚନାଚକ୍ର ଅନୁଷ୍ଠିତ ହେବ । ତେରେ ତାରିଖରେ ପାରମ୍ପରିକ ଖାଦ୍ୟ ଦିବସ ଭାବରେ ସହରାଞ୍ଚଳ ଓ ପାନୀୟଜଳ ବିଭାଗ ତରଫରୁ କରାଯିବ । ଚଉଦ ତାରିଖରେ ଅର୍ଥାତ ପଣାସଂକ୍ରାନ୍ତି ଦିନ ଓଡ଼ିଆ ନବ ବର୍ଷ ଭାବରେ ପାଳନ କରାଯିବ ବୋଲି ଅତିରକ୍ତ ଜିଲ୍ଲାପାଳ ନବୀନ ଚନ୍ଦ୍ର ନାୟକ ପ୍ରକାଶ କରିଛନ୍ତି । ସେହି ଅନୁସାରେ ବିଭାଗୀୟ ଅଧିକାରୀ ମନେ ଆୟୋଜନ କରିବାକୁ ଅନୁରୋଧ କରିଥିଲେ । ଏହି ବୈଠକରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା ମୁଖ୍ୟ ବିକାଶ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ଅକ୍ଷୟ କୁମାର ଖେମୁଣ୍ଡୁ, ଜିଲ୍ଲାସଂସ୍କୃତି ଅଧିକାରୀ ସୁଶ୍ରୀ ସୁସ୍ମିତା ବାଉରୀ,ଜିଲ୍ଲାର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ ଓ ଅନ୍ୟାନ୍ୟ ଜିଲ୍ଲାସ୍ଥରୀୟ ଅଧିକାରୀ ମାନେ ଯୋଗଦେଇଥିଲେ ।
