କରୁର ଦଳାଚକଟା  : ବିଜୟଙ୍କୁ ସିବିଆଇର ୭ ଘଣ୍ଟା ଜେରା 

ନୂଆଦିଲ୍ଲୀ : କରୁର ଦଳାଚକଟା ଘଟଣାର ତିନି ମାସ ପରେ ସିବିଆଇ ନିକଟରେ ହାଜର ହୋଇଛନ୍ତି ଟିଭିକେ ନେତା ବିଜୟ । ଏହି ଦଳାଚକଟାରେ ୪୧ ଜଣଙ୍କ ଜୀବନ ଯାଇଥିଲା । ତାମିଲଗା ଭେଟ୍ଟ୍ରି କାଝଗମ (ଟିଭିକେ) ସଭାପତି ବିଜୟ ଆଜି ନୂଆଦିଲ୍ଲୀରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ସମ୍ମୁଖରେ ତଦନ୍ତ ପାଇଁ ହାଜର ହୋଇଥିଲେ । ପରିସ୍ଥିତି ଖରାପ ହେବା ପରେ ସ୍ଥାନ ଛାଡିବାର ନିଷ୍ପତ୍ତି ଓ ତାଙ୍କ ଆଗମନରେ ବିଳମ୍ବ ସମେତ ଅନେକ ବିଷୟରେ ଅଭିନେତାରୁ ରାଜନେତା ବନିଥିବା ବିଜୟଙ୍କ୍‌ୁ ପଚରାଯାଇଥିଲା । ପ୍ରାୟ ୭ ଘଣ୍ଟା ଧରି ସିବିଆଇ ବିଜୟଙ୍କୁ ମାରାଥନ ଜେରା କରିଥିଲା ।

  ବିଜୟଙ୍କୁ ଘଟଣାଗୁଡ଼ିକର କ୍ରମ ବର୍ଣ୍ଣନା କରିବାକୁ କୁହାଯାଇଥିଲା, ଯାହା ତାଙ୍କୁ ଜଣା ଥିଲା, ଯାହା ଦଳାଚକଟାର କାରଣ ହୋଇଥିଲା । କର୍ତ୍ତୃପକ୍ଷ ଏହା ମଧ୍ୟ ପ୍ରଶ୍ନ କରିଥିଲେ ଯେ ସେ ସ୍ଥାନଟି କେତେ ଭିଡ଼ ଥିଲା ଓ ଆଶା କରାଯାଉଥିବା ଲୋକଙ୍କ ଭିଡ ବିଷୟରେ ଜାଣିଥିଲେ କି? ତାଙ୍କ ଭାଷଣ ଚାଲିଥିବା ସମୟରେ ନିଖୋଜ ଶିଶୁ ସମ୍ପର୍କରେ ଘୋଷଣା କରାଯାଇଥିଲା କି ନାହିଁ ଓ ସେ ଚାଲିଥିବା ଉତ୍ତେଜନା ବିଷୟରେ ଜାଣିଥିଲେ କି ନାହିଁ । ସିବିଆଇ ଏହା ମଧ୍ୟ ଜାଣିବାକୁ ଚାହିଁଥିଲା ଯେ ବିଜୟ ଜାଣନ୍ତି କି ପୁଲିସ ଲୋକଙ୍କ ଉପରେ ଲାଠିଚାର୍ଜ କରୁଥିଲା । ଡିଜିପି ସଶସ୍ତ୍ର ପୁଲିସ ଡାଭିଡସନ ଦେବଶ୍ରୀୱାଥମଙ୍କୁ ମଧ୍ୟ ସୋମବାର ଦିନ ସିବିଆଇ ସମ୍ମୁଖରେ ହାଜର ହେବାକୁ କୁହାଯାଇଥିଲା । କେନ୍ଦ୍ରୀୟ ଏଜେନ୍ସି ଏହି ମାମଲାରେ ଟିଭିକେ ନିର୍ବାଚନ ପାଇଁ  ସାଧାରଣ ସମ୍ପାଦକ ଆଧବ ଅର୍ଜୁନ, ଯୁଗ୍ମ ସାଧାରଣ ସମ୍ପାଦକ ନିର୍ମଳ କୁମାର ଓ ପ୍ରଯୋଜକ ଜଗଦୀଶ ପଲାନିସାମୀଙ୍କୁ ମଧ୍ୟ ସମନ ଜାରି କରିଛି । ସେପ୍ଟେମ୍ବର ୨୭ ତାରିଖରେ ହଜାର ହଜାର ଟିଭିକେ ସମର୍ଥକ ଓ ବିଜୟ ପ୍ରଶଂସକ କରୁର ସହରର ଭେଲୁସାମିପୁରମରେ ଏକତ୍ରିତ ହୋଇଥିଲେ ।

   ବିଜୟ ଦିନ ୧୨ଟା ୪୫ ରେ ପହଞ୍ଚିବା କଥା ଥିଲା କିନ୍ତୁ ସନ୍ଧ୍ୟା ୭ ଟାରେ ପହଞ୍ଚିଥିଲେ । ଛଅ ଘଣ୍ଟାରୁ ଅଧିକ ବିଳମ୍ବ ଯୋଗୁଁ ଭିଡ଼ ବଢ଼ିବାରେ ଲାଗିଥିଲା ଓ ଅଧିକ ଅଧୈର୍ଯ୍ୟ, ଗରମ ଓ ଡିହାଇଡ୍ରେସନ ବଢ଼ି ଯାଇଥିଲା । ଶେଷରେ ବିଜୟ ଯେତେବେଳେ ପହଞ୍ଚିଲେ ତାଙ୍କ ପ୍ରଚାର ବସ୍‌ ପଛରେ ଥିବା ପ୍ରାୟ ୫,୦୦୦ ସମର୍ଥକ ଅପେକ୍ଷା କରିଥିବା ଭିଡ଼ ସହିତ ମିଶିଗଲେ, ଯାହା ଫଳରେ ବିଶୃଙ୍ଖଳା ସୃଷ୍ଟି ହେଲା । ପରବର୍ତ୍ତୀ ଦଳାଚକଟାରେ ନଅ ଜଣ ପିଲାଙ୍କ ସମେତ ୪୧ ଜଣଙ୍କର ମୃତ୍ୟୁ ହୋଇଥିଲା । ମୃତ୍ୟୁ ସଂଖ୍ୟା ୩୦ ଛୁଇଁବା ପରେ ବିଜୟ ଉଭୟ ବିମାନବନ୍ଦରରେ ପ୍ରେସ୍‌ ପ୍ରଶ୍ନକୁ ଅଣଦେଖା କରି ଏକ ଚାର୍ଟାର୍ଡ ବିମାନରେ ତ୍ରିଚିରୁ ଚେନ୍ନାଇ ପଳାଇ ଯାଇଥିଲେ । ସୁପ୍ରିମକୋର୍ଟଙ୍କ ରାୟ ପରେ ଅକ୍ଟୋବର ୧୩ ରେ ଦଳାଚକଟା ଘଟଣାର ତଦନ୍ତ ସିବିଆଇକୁ ହସ୍ତାନ୍ତର କରାଯାଇଥିଲା ।