ଗୁଜରାଟ୍ ଟାଇଟନ୍ସ ବିଜୟୀ
Rasmita Behera
ନୂଆଦିଲ୍ଲୀ : ୩୬ ରନ୍ରେ ମୁମ୍ବାଇକୁ ହରାଇ ଜିତିଲା ଗୁଜୁରାଟ ଟାଇଟନ୍ସ । ଦ୍ୱିତୀୟ ମ୍ୟାଚ୍ ଖେଳି ବିଜୟର ଖାତା ଖୋଲିଲା ଗୁଜୁରାଟ । ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ଜାରି ରହିଛି । ଶନିବାର ୧୮ତମ ସଂସ୍କରଣର ନବମ ମ୍ୟାଚ୍ରେ ମୁହାଁମୁହିଁ ହୋଇଥିଲେ ମୁମ୍ବାଇ ଇଣ୍ଡିଆନ୍ସ ଏବଂ ଗୁଜରାଟ ଟାଇଟନ୍ସ । ଏହି ମ୍ୟାଚ୍ ନରେନ୍ଦ୍ର ମୋଦି ଷ୍ଟାଡିୟମ ଅହମ୍ମଦାବାଦରେ ଖେଳାଯାଉଥିଲା । ପ୍ରଥମେ ଟସ୍ ଜିତି ଘରୋଇ ଦଳକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା ମୁମ୍ବାଇ ଇଣ୍ଡିଆନ୍ସ । ଏପଟେ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ଶୁବମନ ଗିଲଙ୍କ ଗୁଜରାଟ ଦଳ ୮ ୱିକେଟ୍ ହରାଇ ୧୯୬ ରନ ସଂଗ୍ରହ କରିଛି । ମୁମ୍ବାଇ ଇଣ୍ଡିଆନ୍ସ ସାମ୍ନାରେ ୧୯୭ ରନର ଟାର୍ଗେଟ୍ ଦେଇଥିଲା ।
୧୯୭ ରନ୍କୁ ପିଛା କରି ମୁମ୍ବାଇ ଇଣ୍ଡିଆନ୍ସ ୨୦ ଓଭର ଖେଳି ୧୬୦ ରନ୍ କରିଥିଲେ ।ମୁମ୍ବାଇ ଇଣ୍ଡିଆନ୍ସ ପକ୍ଷରୁ ରୋହିତ ଶର୍ମା ୪ ବଲରେ ୮, ରିଆନ୍ ଲିକେଲ୍ଟନ୍ ୯ ବଲରେ ୬, ତିଲୋକ ବର୍ମା ୩୬ ବଲରେ ୩୯, ସୂର୍ଯ୍ୟ କୁମାର ୟାଦବ ୨୮ ବଲରେ ୪୮, ରବିନ୍ ମିଞ୍ଜ ୬ ବଲରେ ୩, ହାର୍ଦ୍ଧିକ ପାଣ୍ଡ୍ୟା ୧୭ ବଲରେ ୧୧ କରି ପାଭିଲିଅନ୍ ଫେରି ଯାଇଥିଲେ । ନମନ ଧୀର ୧୧ ବଲରେ ୧୮, ମିଚେଲ ଷ୍ଟେନର ୮ ବଲରେ ୧୮ କରି ନଟ ଆଉଟ୍ ରହିଥିଲେ ।
ଚଳିତ ଆଇପିଏଲ ସିଜିନରେ ପ୍ରଥମ ବିଜୟ ଲକ୍ଷ୍ୟରେ ରହିଛି ମୁମ୍ବାଇ ଇଣ୍ଡିଆନ୍ସ । ପ୍ରଥମ ମ୍ୟାଚ୍ରେ ଚେନ୍ନାଇ ସୁପରକିଙ୍ଗ୍ସ ଠାରୁ ଦଳ ପରାଜିତ ହୋଇଥିଲା । ତେଣୁ ଏହି ମ୍ୟାଚ୍ ବେଶ୍ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି । ଆଜିର ମ୍ୟାଚ୍ ଜିତି ପଏଣ୍ଟ ଟେବୁଲରେ ଉପରକୁ ଉଠିବାକୁ ଚେଷ୍ଟ କରିବ ଦଳ । ପ୍ରଥମ ଇନିଂସରେ ଗୁଜରାଟ ଟାଇଟନ୍ସ ୨୦ ଓଭରରେ ୧୯୬ ରନ୍ ସଂଗ୍ରହ କରିଛି । ଓପନର ସାଇ ସୁଦର୍ଶନ ସର୍ବାଧିକ ୬୧ରନ ସଂଗ୍ରହ କରିଛନ୍ତି । ସେ ୪୧ଟି ବଲରୁ ୪ଟି ଚୌକା ଓ ଦୁଇଟି ଛକା ମାରିଛନ୍ତି । ସେହିପରି ଅଧିନାୟକ ଶୁବମନ ଗିଲ୍ ୩୮ ରନ, ଯୋଶ୍ ବଟଲର ୩୯ ରନ, ରଦରଫର୍ଡ ୧୮ ରନ ସଂଗ୍ରହ କରିଛନ୍ତି । ଅନ୍ୟପଟେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଅଧିନାୟକ ଦୁଇଟି ୱିକେଟ୍ ନେଇଛନ୍ତି । ଟେଣ୍ଟ ବୋଲ୍ଟ, ଦୀପକ ଚହର, ମୁଜିବ ଏବଂ ସତ୍ୟାନାରାୟଣ ରାଜୁଙ୍କୁ ଗୋଟିଏ ଲେଖାଏଁ ୱିକେଟ୍ ମିଳିଛି ।
