ଘରୋଇ ବସ ମାଲିକ ସଂଘର ଶୋକସଭା
Rasmita Behera
କଟକ: କଟକ ଘରୋଇ ବସ ମାଲିକ ସଂଘ ପକ୍ଷରୁ ସଂଘର ସାଧାରଣ ସଂପାଦକ ନିରଞ୍ଜନ ସାହୁଙ୍କ ଅକାଳ ବିୟୋଗରେ ସଂଘର କାର୍ଯ୍ୟାଳୟ ଠାରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ରାଜ୍ୟ ଘରୋଇ ବସ ମାଲିକ ସଂଘର ସଂପାଦକ ଦେବେନ୍ଦ୍ର ସାହୁ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ । ସଭାରେ ବହୁ ସଂଘର କର୍ମକର୍ତ୍ତା ଏବଂ କଟକ ସଂଘର ବହୁ ସଭ୍ୟ ଯୋଗ ଦେଇ ସ୍ୱର୍ଗତ ନିରଞ୍ଜନ ସାହୁଙ୍କ କଟକ ସଂଘ ପ୍ରତି ନିସ୍ୱାର୍ଥପର କାର୍ଯ୍ୟ, ଉତ୍ତମ ବ୍ୟବହାର ଏବଂ ସଂଗଠନର ପଦପଦବୀ କାର୍ଯ୍ୟ ସୁଚାରୁରୂପେ ପରିଚାଳନା କରିବା ସମ୍ବନ୍ଧରେ ଆଲୋକପାତ କରିଥିଲେ । ସ୍ୱର୍ଗତ ନିରଞ୍ଜନ ସାହୁଙ୍କ ମୃତୁ୍ୟରେ ସମସ୍ତ କର୍ମକର୍ତ୍ତା ତାଙ୍କର ଅମର ଆତ୍ମାର ସଦଗତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିବା ସହ ତାଙ୍କ ପରିବାରକୁ ଧୈର୍ଯ୍ୟ ଏବଂ ସାହସ ଦେବାକୁ ପ୍ରାର୍ଥନା କରିଥିଲେ । ସଭାରେ ବସ ମାଲିକ ସଂଘର ସଭାପତି ଲୋକନାଥ ପାଣି, ଯାଜପୁର ସଂଘର କର୍ଣ୍ଣାଟ କେଶରୀ ଦାସ, ଢ଼େଙ୍କାନାଳ ସଂଘର ପ୍ରମୋଦ ବେହେରା, ଜଗତସିଂହପୁର ସଂଘର କୈଳାସ ଚନ୍ଦ୍ର ସାହୁ, ପାରାଦୀପ ସଂଘର ନିଲୁ ପରିଡ଼ା, କଟକ ସଂଘର ଆଶିଷ ସାହୁ, ମୁରଲୀଧର ବେହେରା, ନିରଞ୍ଜନ ସାହୁ , ଶିଶିର ପାତ୍ର, ଆର ସିଂହ, ମୃତୁ୍ୟଞ୍ଜୟ ଦାସ, ପିନାକ ପାଣି ଡଢ଼ଙ୍ଗୀ, ଗଂଗାଧର ସ୍ୱାଇଁ ଓ ଏ ବାରିକ ପ୍ରମୁଖ ଉପସ୍ଥିତ ଥିଲେ ।
