ଦାନ୍ତେୱାଡାରେ ୭୧ ମାଓବାଦୀଙ୍କ ଆତ୍ମସମର୍ପଣ
Rasmita Behera
ରାୟପୁର : ଦକ୍ଷିଣ ବସ୍ତରର ଦାନ୍ତେୱାଡାର ଏକ ଉତ୍ତେଜିତ ଜିଲ୍ଲାରେ ନିଷିଦ୍ଧ ସିପିଆଇ (ମାଓବାଦୀ)ର ୭୧ ଜଣ କ୍ୟାଡର ମାଓବାଦୀ ଆତ୍ମସମର୍ପଣ କରିଛନ୍ତି । ସେମାନଙ୍କ ମଧ୍ୟରୁ ୩୦ଜଣଙ୍କ ମୁଣ୍ଡରେ ୬୪ ଲକ୍ଷ ଟଙ୍କାର ସାମୂହିକ ପୁରସ୍କାର ରହିଛି । ଛତିଶଗଡ଼ ପୁଲିସ ଦ୍ୱାରା ମାଓ କ୍ୟାଡରମାନଙ୍କ ପାଇଁ ଉଦ୍ଦିଷ୍ଟ ଏକ ଅଭିଯାନ ଆବେଦନ - ‘ଲୋନ୍ ଭାରାତୁ' (ଆପଣଙ୍କ ଘରକୁ ଫେରିଯାଆନ୍ତୁ)ରେ ତକôାଳୀନ ଜିଲ୍ଲା ପୁଲିସ ମୁଖ୍ୟ ଅଭିଷେକ ପଲ୍ଲଭଙ୍କ ଦ୍ୱାରା ୨୦୨୦ ମସିହାରେ ଅଭିଯାନ ଆରମ୍ଭ ହେବା ପରଠାରୁ ଦାନ୍ତେୱାଡାରେ ନିରନ୍ତର ଏହାର ସୁଫଳ ମିଳି ଚାଲିଛି ।
ଦାନ୍ତେୱାଡା ଜିଲ୍ଲା ପୁଲିସ ଅଧିକ୍ଷକ ଗୌରବ ରାୟ କହିଛନ୍ତି ଯେ ‘ଲୋନ୍ ଭାରାତୁ' ଅଧୀନରେ ଏପର୍ଯ୍ୟନ୍ତ ଆତ୍ମସମର୍ପଣ କରିଥିବା ମୋଟ ମାଓବାଦୀଙ୍କ ସଂଖ୍ୟା ୧୧୧୩, ଯେଉଁଥିରୁ ୨୯୭ ଜଣଙ୍କ ମୁଣ୍ଡରେ ପୁରସ୍କାର ରହିଛି । ବୁଧବାର ଦିନ ଆତ୍ମସମର୍ପଣ କରିଥିବା ୭୧ ଜଣଙ୍କ ମଧ୍ୟରେ ୨୧ ଜଣ ମହିଳା ଅଛନ୍ତି । ଚଳିତ ମାଓ ବିରୋଧୀ ଅଭିଯାନ ଅନ୍ତର୍ଗତ ଅପରେସନ୍ ବ୍ୟତୀତ ଆମେ ଏକକାଳୀନ ଏକ ସମ୍ପ୍ରଦାୟ ପ୍ରସାର କାର୍ଯ୍ୟକ୍ରମ ପରିଚାଳନା କରୁଛୁ ଯାହା ଦ୍ୱାରା ଲାଲ ବିଦ୍ରୋହୀଙ୍କ ଭ୍ରମିତ କ୍ୟାଡରମାନଙ୍କୁ ରାଜ୍ୟର ଆତ୍ମସମର୍ପଣ ଓ ପୁନର୍ବାସ ନୀତିର ଲାଭ ବିଷୟରେ ପ୍ରଭାବିତ କରିବା ପାଇଁ ପ୍ରୟାସ କରାଯାଉଛି ବୋଲି ଏସପି କହିଛନ୍ତି । ଆତ୍ମସମର୍ପଣ ପରେ ପ୍ରତ୍ୟେକଙ୍କୁ ୫୦,୦୦୦ ଟଙ୍କାର ପ୍ରାରମ୍ଭିକ ଆର୍ଥିକ ପ୍ରୋସôାହନ ଦିଆଯାଏ । ଏହା ବ୍ୟତୀତ ଯଦି ଏପରି କ୍ୟାଡରମାନେ ଦକ୍ଷତା ତାଲିମ ନେବାକୁ କିମ୍ବା ଏକ ଛୋଟ ବ୍ୟବସାୟ ସ୍ଥାପନ କରିବାକୁ ଚାହାଁନ୍ତି, ତେବେ ସେମାନଙ୍କୁ ନୂତନ ଆତ୍ମସମର୍ପଣ ପୁନର୍ବାସ ନୀତି ଅନୁଯାୟୀ ଅନ୍ୟାନ୍ୟ ସୁବିଧା ସହିତ ମାଗଣା ଗୃହ ଓ ସ୍ୱାସ୍ଥ୍ୟସେବା, ଚାଷ ଜମି ପ୍ରଦାନ କରାଯିବା ସହିତ ଅଧିକ ଆର୍ଥିକ ସହାୟତା ମଧ୍ୟ ମିଳିଥାଏ ।
