ଦୁର୍ଘଟଣାରେ ୪ ଗୁରୁତର
Rasmita Behera
ହିଞ୍ଜିଳିକାଟୁ : ହିଞ୍ଜିଳି ଥାନା ଆଲପୁର ଛକ ନିକଟରେ ଏକ ଯାତ୍ରୀବାହୀ ଅଟୋ ପଛକୁ ମୋ ବସ୍ ଧକ୍କା ଦେଇଥିଲା । ଦୁର୍ଘଟଣାରେ ଅଟୋ ଚାଳକ ସମେତ ୪ ଜଣ ଗୁରୁତର ଆହତ ହୋଇଥିଲେ । ଆହତମାନେ ହେଲେ ଅଟୋ ଚାଳକ ରଘୁନାଥପୁର ଗ୍ରାମର ଜି ଆନନ୍ଦ ପାତ୍ର , ଅଟୋରେ ଯାତ୍ରା କରୁଥିବା ରଘୁନାଥପୁର ଗ୍ରାମର ଆର ଜଗନ୍ନାଥ ପାତ୍ର, କେ. ସାନ୍ତାମା ଓ ଇଚ୍ଛାପୁର ଅଞ୍ଚଳର ଏ ଲକ୍ଷ୍ମୀ । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିସôା ପାଇଁ ୧୦୮ ଆମ୍ବୁଲାନ୍ସ ଯୋଗେ ହିଞ୍ଜିଳିକାଟୁ ଉପଖଣ୍ଡ ଚିକିସôାଳୟରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିସôା ପରେ ସମସ୍ତ ଆହତଙ୍କୁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଖବର ଲେଖା ହେବା ସୁଦ୍ଧା ଘଟଣା ନେଇ ହିଞ୍ଜିଳି ଥାନାରେ କୈାଣସି ଅଭିଯୋଗ ହୋଇନଥିବା ଥାନା ସୂତ୍ରରୁ ପ୍ରକାଶ । ପ୍ରକାଶ ଥାଉକି, ବୁଧବାର ଅପରାହ୍ନରେ ଗୋପାଳପୁର ଥାନା ଗାଗନାପୁର ଅଞ୍ଚଳରୁ ଏକ ଯାତ୍ରୀବାହୀ ଅଟୋ ହିଞ୍ଜିଳିକାଟୁ ଅଭିମୁଖେ ଯାଉଥିଲା । ସେହି ସମୟରେ ପୁରୁଷୋତ୍ତମପୁର ଠାରୁ ଅନ୍ତରିଗାଁ ଅଭିମୁଖେ ଯାଉଥିବା ମୋ ବସ୍ ଆଲପୁର ଗ୍ରାମ କାଳୀ ମନ୍ଦିର ନିକଟରେ ଯାତ୍ରୀବାହୀ ଅଟୋକୁ ଅତିକ୍ରମ କରୁଥିବା ବେଳେ ହଠାତ୍ ଯାତ୍ରୀବାହୀ ଅଟୋ ପଛକୁ ଧକ୍କା ଦେଇଥିଲା । ଦୁର୍ଘଟଣାରେ ଅଟୋ ଚାଳକ ଓ ୩ ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
