ପ୍ରବଳ ବର୍ଷାରେ ଉବୁଟୁବୁ ଦିଲ୍ଲୀ : ଘରର କାନ୍ଥ ପଡି ୮ ମୃତ
Rasmita Behera
ନୂଆଦିଲ୍ଲୀ: ବର୍ଷାରେ ବେହାଲ ରାଜଧାନୀ ଦିଲ୍ଲୀ । ଜୁୁଆଡେ ଚାହିଁଲେ ଖାଲି ପାଣି ଆଉ ପାଣି । ଅନେକ ସ୍ଥାନରେ ଜଳବନ୍ଦୀ ସ୍ଥିତି ସୃଷ୍ଟି ହୋଇଛି । ରାସ୍ତା ଘାଟ ପାଣିରେ ବୁଡିଯାଇଛି । ଏପରି ସ୍ଥିତିରେ ଲୋକେ ଘରୁ ବାହାରିବା ହୋଇଯାଇଛି ମୁସ୍କିଲ୍ । ଏହାରି ଭିତରେ ବର୍ଷା ହେତୁ ଘଟିଛି ବଡ ଅଘଟଣ । ଶନିବାର ଘରର କାନ୍ଥ ପଡି ୮ ଜଣଙ୍କ ମୃତୁ୍ୟ ହୋଇଛି । ଏହାସହ ୮ ଜଣ ଆହତ ହୋଇଛନ୍ତି । ଅଘଟଣ ପରେ ସ୍ଥାନୀୟ ଲୋକେ ପ୍ରଶାସନ ସହାୟତାରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଦକ୍ଷିଣ-ପୂର୍ବ ଦିଲ୍ଲୀର ଜୈତପୁର ନିକଟ ହରି ନଗରରେ ଏହି ଦୁର୍ଘଟଣା ଘଟିଛି । ମୃତକଙ୍କ ମଧ୍ୟରେ ୩ ପୁରୁଷ, ୨ ମହିଳା ଏବଂ ୨ ଶିଶୁ ସାମିଲ ଅଛନ୍ତି । ଦୁର୍ଘଟଣାରେ ଆହତ ୫ ଜଣଙ୍କୁ ସଫଦରଜଙ୍ଗ ହସ୍ପିଟାଲକୁ ଅଣାଯାଇଥିଲା । ଯେଉଁଠାରେ ଚିକିସôା ସମୟରେ ୩ ଜଣଙ୍କର ମୃତୁ୍ୟ ହୋଇଥିଲା । ସେହି ସମୟରେ ୩ ଜଣଙ୍କୁ ଏମ୍ସ ଟ୍ରମା ସେଣ୍ଟରକୁ ନିଆଯାଇଥିଲା । ଯେଉଁଠାରେ ସମସ୍ତଙ୍କ ମୃତୁ୍ୟ ହୋଇଥିଲା । ଆଉ ଜଣେ ଏବେ ବି ଆହତ ଅଛନ୍ତି । ତାଙ୍କର ଚିକିସôା ସଫଦରଜଙ୍ଗ ହସ୍ପିଟାଲରେ ଚାଲିଛି । ପାଣିପାଗ ବିଭାଗ ସୂତ୍ର ଅନୁଯାୟୀ, ଶନିବାର ସକାଳ ସାଢେ ୮ଟା ପର୍ଯ୍ୟନ୍ତ ୨୪ ଘଣ୍ଟା ମଧ୍ୟରେ ୭୮.୭ ମିଲିମିଟର ବର୍ଷା ହୋଇଛି । ପ୍ରଗତି ମଇଦାନ ଅଞ୍ଚଳରେ ଶତ ପ୍ରତିଶତ ବର୍ଷା ହୋଇଛି । ଏହି ବର୍ଷା ଫଳରେ ଗରମ ଓ ଗୁଳୁଗୁଳିରୁ ଲୋକଙ୍କ ତ୍ରାହି ମିଳିଛି । ଲଗାତର ବର୍ଷା ଯୋଗୁଁ ଯମୁନା ନଦୀ ବିପଦସ୍ତର ଉପରେ ପ୍ରବାହିତ ହେଉଛି ।
