ଶ୍ଲୋଗାନ ଦେବାରୁ ଯୁବକଙ୍କୁ ଖଣ୍ଡା ଚୋଟ ; ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୩୦ା୫ : ରାତିରେ ଶ୍ଳୋଗାନ ଦେବାକୁ କେନ୍ଦ୍ରକରି ଯୁବକଙ୍କୁ ଗୋଡାଇ ଗୋଡାଇ ଖଣ୍ଡାରେ ଆକ୍ରମଣ । ହସ୍ପିଟାଲରେ ଅଭିଯୋଗକାରିଣୀଙ୍କ ସ୍ୱାମୀ । ଅଭିଯୋଗ ପରେ ଅଭିଯୁକ୍ତକୁ ଗିରଫ କଲା କ୍ୟାପିଟାଲ ଥାନା ପୁଲିସ । ଗିରଫ ଅଭିଯୁକ୍ତ ହେଲା, ଫାଳିକିଆ ବସ୍ତିର କେ ଶଙ୍କର । ଆଜି କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୋଗକାରିଣୀ ଜଣକ ନିଜ ପରିବାର ସହ କ୍ୟାପିଟାଲ ଥାନା ଅନ୍ତର୍ଗତ ଫାଳିକିଆ ବସ୍ତିରେ ରୁହନ୍ତି । ଗତ ୨୫ ତାରିଖ ରାତିରେ ଅଭିଯୋଗକାରିଣୀଙ୍କ ପୁଅ ତାରିଣୀ ସେଠୀ ଏକ ଶ୍ଳୋଗାନ ଦେବାକୁ କେନ୍ଦ୍ରକରି ଅଭିଯୁକ୍ତ ଶଙ୍କର ତାଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହିତ ନାନା ପ୍ରକାର ଧମକଚମକ ଦେଇଥିଲା । ତାରିଣୀ ଏହାର ବିରୋଧ କରିବାରୁ ଅଭିଯୁକ୍ତ ଜଣଙ୍କ ହଠାତ ତାଙ୍କୁ ଏକ ଖଣ୍ଡା ଆଣି ଗୋଡାଇ ଗୋଡାଇ ଆକ୍ରମଣ କରିବା ଆରମ୍ଭ କରିଥିଲା । ଏହି ଆକ୍ରମଣ ଯୋଗୁ ତାରିଣୀଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଥିବା ବେଳେ ସ୍ଥାନୀୟ ଲୋକ ତାଙ୍କୁ ଘଟଣା ସ୍ଥଳରୁ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ସ୍ଥାନାନ୍ତର କରିଥିଲେ । ଏନେଇ ଆହତଙ୍କ ସ୍ତ୍ରୀ ଅଭିଯୋଗକାରିଣୀ କ୍ୟାପିଟାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ୨୮୮ରେ ମାମଲା ରୁଜୁକରି ତଦନ୍ତ ଚଳାଇ ଗୁରୁବାର ଦିନ ଅଭିଯୁକ୍ତକୁ ଗିରଫ କରିବା ସହ ଦଫା ୩୪୧, ୩୨୩, ୩୨୪, ୫୦୬,୩୪ ଆଇପିସିରେ କୋର୍ଟ ଚାଲାଣ କରିଛି ।
