ସତ୍ୟସାଇ ବାବାଙ୍କ ଜନ୍ମ ଉତ୍ସବ
Rasmita Behera
ନୂଆପଡା: ନୂଆପଡ଼ା ଜିଲ୍ଲା ବୋଡ଼ନ ବ୍ଲକର ଶ୍ରୀ ଶ୍ରୀ ସତ୍ୟସାଇ ମନ୍ଦିର ଯୁବାମାଲ ପଡା କରଙ୍ଗାମାଲ ଠାରେ ଭଗବାନ ସତ୍ୟସାଇ ବାବାଙ୍କ ୧୦୦ତମ ଜନ୍ମ ଉସôବ ଉପଲକ୍ଷେ ବିଶ୍ୱ କଲ୍ୟାଣାର୍ଥେ ବିଶ୍ୱଶାନ୍ତି ରୁଦ୍ରାର୍ପିତମ ମହାଯଜ୍ଞ ଆବାହକ ସମ୍ବାଦ ପ୍ରତିନିଧି ଦିଲ୍ଲୀପ କୁମାର ପଣ୍ଡାଙ୍କ ନେତୃତ୍ୱରେ ଅନୁଷ୍ଠିତ ହେଉଅଛି ।କାର୍ଯ୍ୟକ୍ରମରେ ମୁଖ୍ୟ ପୂଜକ ଭାବେ ପୁରନ୍ଦର ହୋତା,ସହଯୋଗୀ ପୂଜକ ବାସୁଦେବ ଯୋଶୀ,ଅଶୋକ କୁମାର ଯୋଶୀ,କ୍ଷିରୋଦ କୁମାର ମହାପାତ୍ର ,ସୁମନ୍ତ କରଙ୍କୁ ବରଣ କରାଯାଇଛି ।କର୍ତ୍ତା ରୂପେ ଚରଣ ସିଂ ଚିନ୍ଦା ଓ ତାଙ୍କ ଧର୍ମ ପନôୀ ତୁଳସେ ଚିନ୍ଦା କାର୍ଯ୍ୟ ନିର୍ବାହ କରୁଛନ୍ତି । ଶନିବାର ସନ୍ଧ୍ୟାରେ କଳସ ଯାତ୍ରା ଓ ସ୍ଥାପନ । ସନ୍ଧ୍ୟାରେ ରାଜ୍ୟ ସାଇ ସିମ୍ଫୋନି କାର୍ଯ୍ୟକର୍ତ୍ତାଙ୍କ ଦ୍ୱାରା ଭଜନ ସନ୍ଧ୍ୟା ଆୟୋଜିତ ହୋଇ ସୈଲେନ୍ଦ୍ର ଶତପଥୀ,ଗରୁଡ଼ଧ୍ୱଜ ରଣା ଓ ଉର୍ମିଳା ବେହେରା ବିଭିନ୍ନ ଭଜନ ସବୁ ସୁଲଳିତ କଣ୍ଠରେ ଗାନ କରିଥିବାବେଳେ କି-ବୋର୍ଡରେ ପ୍ରିନ୍ସ ଓ ମନୁ,ତବଳାରେ ସନ୍ତୋଷ ଏବଂ ଅକ୍ଟୋପେଡ ରେ ରାହୁଲ ସହଯୋଗ କରିଥିଲେ । ସାଇ ସେବା ସମିତି ଜିଲ୍ଲା ସଭାପତି ନଟବର କ୍ଷତ୍ରିଅଙ୍କ ଦ୍ୱାରା ଉଦ୍ଘାଟନ କାର୍ଯ୍ୟକ୍ରମରେ ଜିଲ୍ଲା ବିଜେଡ଼ି ସମ୍ପାଦକ ଲମ୍ବୋଦର ନିଆଲ, ଜିଲ୍ଲା ସେବା ସଂଯୋଜକ ପ୍ରଦୀପ ତାଣ୍ଡି, ଜିଲ୍ଲା ଯୁବ ସଂଯୋଜକ ମନୋହର ନାଏକ, ବ୍ଲକ ସେବା ସମିତି ସଦସ୍ୟ ପବିତ୍ର ସା ଓ ଦିଲ୍ଲୀପ କୁମାର ପଣ୍ଡା ମଞ୍ଚାଷିନ ଥିଲେ । ପରେ ମୁଖ୍ୟ କର୍ତ୍ତାଙ୍କ ସହ ଅନେକ କର୍ତ୍ତା ଯଜ୍ଞରେ ଅବସ୍ଥାପିତ ଥିଲେ । ସୋମବାର ଦିନ ଶୁଳ୍କରେ ଯଜ୍ଞପବିତ୍ର ଧାରଣ ନିମନ୍ତେ ବ୍ରତକାର୍ଯ୍ୟ ଅନୁଷ୍ଠିତ ହେବ । ଜିଲ୍ଲାର ସମସ୍ତ ଅଞ୍ଚଳରୁ ବହୁ ସଂଖ୍ୟାରେ ସାଇ ଭକ୍ତ ଯଜ୍ଞ କାର୍ଯ୍ୟରେ ଯୋଗଦାନ କରି ଶ୍ରୀ ସତ୍ୟସାଇ ବାବାଙ୍କ ଦିବ୍ୟ କୃପା ଲାଭ କରିଛନ୍ତି ।
