ଚୁକ୍ତିଭିତ୍ତିକ ପାରାମେଡିକ୍ସ କର୍ମଚାରୀଙ୍କୁ ନିୟମିତ କରିବାକୁ ଦାବି
Rasmita Behera
କଟକ : ସରକାରଙ୍କ ପକ୍ଷରୁ ଏନଏଚଏମ୍ ଅଧୀନରେ କାର୍ଯ୍ୟ କରୁଥିବା ଆରବିଏସକେ ଏବଂ ଏମଏଚ୍ୟୁର ଚୁକ୍ତିଭିତ୍ତିକ ପାରାମେଡ଼ିକ୍ସ କର୍ମଚାରୀଙ୍କୁ ନିୟମିତ କରିବା ପାଇଁ କୌଣସି ପଦକ୍ଷେପ ନିଆଯାଇନାହିଁ । ଆରବିଏସ୍କେ ଏବଂ ଏମଏଚୟୁର ପାରାମେଡ଼ିକ୍ସ କର୍ମଚାରୀ ତଥା ଫାର୍ମାସିଷ୍ଟ, ବହୁମୁଖୀ ସ୍ୱାସ୍ଥ୍ୟକର୍ମୀ ମହିଳା ଏବଂ ନର୍ସିଂ ଅଫିସରମାନେ ଏନ୍ଏଚ୍ଏମ୍ ଅଧୀନରେ ଦୀର୍ଘ ୧୪ ବର୍ଷ ଧରି କାର୍ଯ୍ୟ କରି ଆସୁଛନ୍ତି । ଓଡ଼ିଶା ସରକାରଙ୍କ ଦ୍ୱାରା କାର୍ଯ୍ୟକାରୀ ହୋଇଥିବା ଓଡ଼ିଶା ଫାର୍ମାସିଷ୍ଟ ସେବା, ଓଡ଼ିଶା ବହୁମୁଖୀ ସ୍ୱାସ୍ଥ୍ୟକର୍ମୀ ମହିଳା ସେବା, ଓଡ଼ିଶା ନର୍ସିଂ ସେବା, ଅନେକ ପାରାମେଡ଼ିକ୍ସ କର୍ମଚାରୀ ତଥା ଫାର୍ମାସିଷ୍ଟ, ବହୁମୁଖୀ ସ୍ୱାସ୍ଥ୍ୟକର୍ମୀ, ମହିଳା ଏବଂ ନର୍ସିଂ ଅଫିସର ନିୟମିତ ହୋଇଥିଲେ ମଧ୍ୟ ଆରବିଏସ୍କେ ଏବଂ ଏମଏଚୟୁର ପାରାମେଡିକ୍ସ କର୍ମଚାରୀଙ୍କୁ ବିନା କାରଣରେ ବାଦ୍ ଦିଆଯାଇଛି । କର୍ତ୍ତୃପକ୍ଷଙ୍କ ନିଦେ୍ର୍ଦଶ ଅନୁଯାୟୀ ଆବଶ୍ୟକ ସ୍ଥଳେ ଆରବିଏସ୍କେ ଏବଂ ଏମଏଚୟୁର ପାରାମେଡ଼ିକ୍ସ ଡିଡିସି-ନିରାମୟ, ଏନ୍ଆରସି, ଓପିଡ଼ି, ଆଇପିଡ଼ି, ଟିକାକରଣ କାର୍ଯ୍ୟକ୍ରମରେ କୌଣସି ଅବହେଳା ନ କରି ସେବା ପ୍ରଦାନ କରିଥାନ୍ତି । ଏହା ବ୍ୟତୀତ ଅନ୍ୟାନ୍ୟ ଜରୁରୀକାଳୀନ ପରିସ୍ଥିତି ଯଥା ବନ୍ୟା, ବାତ୍ୟା, କୋଭିଡ୍ ମହାମାରୀ ସମୟରେ ମଧ୍ୟ ସେମାନଙ୍କୁ ନିୟୋଜିତ କରାଯାଉଛି । ଉଚ୍ଚ ନ୍ୟାୟାଳୟ ଏମ୍ଏଚୟୁ ଓ ଏମ୍ଏଚ୍ଟିରେ କାର୍ଯ୍ୟରତ ଏଏନ୍ଏମ୍, ଫାର୍ମାସିଷ୍ଟ ଓ ଷ୍ଟାଫ୍ ନର୍ସମାନଙ୍କର ଚାକିରି ସ୍ଥାୟୀ ପାଇଁ ନିଦେ୍ର୍ଦଶ ଦେଇଥିଲେ ମଧ୍ୟ ସରକାର ଏ ବାବଦକୁ କିଛି ପଦକ୍ଷେପ ନେଉ ନାହାନ୍ତି ବୋଲି ଏକ ସାମ୍ବାଦିକ ସମ୍ମିଳନୀରେ ଏଓସିପିଏ (ଅଲ୍ ଓଡିଶା କଣ୍ଟ୍ର୍ରାକଚୁଆଲ ପାରାମେଡିକ୍ସ ଆସୋସିଏସନ୍)ର ସଭାପତି ଅମରେଶ ତ୍ରିପାଠୀ ସୂଚନା ଦେଇଛନ୍ତି ।
