ବିଶ୍ୱ ଯକ୍ଷ୍ମା ଦିବସ ପାଳିତ
Rasmita Behera
ବୈଶିଙ୍ଗା : ବିଶ୍ୱ ଯକ୍ଷ୍ମା ଦିବସ ଉପଲକ୍ଷେ ପ୍ରାଇଡ୍ ସ୍ୱେଚ୍ଛାସେବୀ ଅନୁଷ୍ଠାନ ଓ ନେହେରୁ ଯୁବ ସଂଗଠନର ମିଳିତ ଆନୁକୂଲ୍ୟରେ ବେତନଟୀ ବ୍ଲକ ଗଡଦେଉଳିଆ ପଞ୍ଚାୟତ ପୋଖରୀସାହି ଅଙ୍ଗନୱାଡ଼ି କେନ୍ଦ୍ରରେ ଏକ ସଚେତନତା କାର୍ଯ୍ୟକ୍ରମ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ସ୍ୱାସ୍ଥ୍ୟ ବିଭାଗର କମୁ୍ୟନିଟି ହେଲ୍ଥ ଅଫିସର ଶାଶ୍ୱତୀ ବାରିକ, ସ୍ୱାସ୍ଥ୍ୟକର୍ମୀ ସନ୍ଧ୍ୟାରାଣୀ ଶତପଥୀ, ଆଶାକର୍ମୀ ନାଉରୀ ସିଂ, ପ୍ରାଇଡ୍ ସ୍ୱେଚ୍ଚାସେବୀ ସଂଗଠନର ସାଧାରଣ ସମ୍ପାଦକ ଆଶିଷ ପରିଡ଼ା ପ୍ରମୁଖଙ୍କ ସହ ସଂଗଠନର ସଦସ୍ୟ ଓ ଗ୍ରାମବାସୀମାନେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଯକ୍ଷ୍ମା ରୋଗର କାରଣ, ଲକ୍ଷଣ ଓ ନିରାକରଣ ଉପରେ କମୁ୍ୟନିଟି ହେଲ୍ଥ ଅଫିସର ଓ ସ୍ୱାସ୍ଥ୍ୟ କର୍ମୀ ଆଲୋକପାତ କରିଥିବା ବେଳେ ଓଡ଼ିଆରେ ଯକ୍ଷ୍ମା ରୋଗ ସମ୍ବନ୍ଧୀୟ ଲିଫ୍ଲେଟ୍ ବଣ୍ଟନ କରାଯାଇଥିଲା । ଗଡଦେଉଳିଆ ଗ୍ରାମରେ ଯକ୍ଷ୍ମା ରୋଗୀଙ୍କ ସଂଖ୍ୟା ଅଧିକ ଥିବାରୁ ଏହି କାର୍ଯ୍ୟକ୍ରମଟି ସେଠାରେ କରିବାର ଚୟନ କରାଯାଇଥିଲା । ନିୟମିତ ଔଷଧ ସେବନ ଦ୍ୱାରା ଯକ୍ଷ୍ମା ରୋଗ ସଂପୂର୍ଣ୍ଣଭାବେ ଭଲ ହୋଇ ପାରିବ ବୋଲି ଡାକ୍ତର ପରାମର୍ଶ ଦେଇଥିଲେ ।
