ଦୁଇ ବେପାରୀ ଗିରଫ; ୨୨ କେଜି ଗଞ୍ଜେଇ ଜବତ
Jitendra Sahu
3721
ଭୁବନେଶ୍ୱର,୪ା୧୨ : ବାଲିଅନ୍ତା ଥାନା ପୁଲିସ ବୁଧବାର ଦୁଇ ଜଣ ଗଞ୍ଜେଇ ବେପାରୀଙ୍କୁ ଗିରଫ କରିଛି । ଗିରଫ ଗଞ୍ଜେଇ ବେପାରୀଙ୍କ ଠାରୁ ପୁଲିସ ୨୧ କେଜି ୭ଶହ ଗ୍ରାମ ଗଞ୍ଜେଇ ଜବତ କରିଛି । ଯାହାର ବଜାର ମୂଲ୍ୟ ୫୦ ହଜାର ଟଙ୍କା ହେବ ବୋଲି ଜଣାପଡ଼ିଛି । ଗିରଫ ଗଞ୍ଜେଇ ବେପାରୀ ଦ୍ୱୟ ହେଲେ ପୁରୀ ଜିଲ୍ଲା ପିପିଲି ଥାନା ଅଞ୍ଚଳର ଅଶୋକ ବରାଳ (୩୬) ଓ ସୈଇକ ସକିଲ (୪୪) । ଗିରଫ ସକିଲ ନାମରେ ପୂର୍ବରୁ ମଧ୍ୟ ଏକାଧିକଥର ଗଞ୍ଜେଇ କାରବାର ନେଇ ମାମଲା ରହିଥିବା ଜଣାପଡ଼ିଛି । ଉଭୟ ଅଭିଯୁକ୍ତ କନ୍ଧମାଳ ଜିଲ୍ଳାରୁ ଗଞ୍ଜେଇ ଆଣି ଏହାକୁ ପୁରୀକୁ ବିକ୍ରି କରିବାକୁ ନେଉଥିଲେ ।
ସୂଚନା ଅନୁଯାୟୀ,ଦୁଇ ଗଞ୍ଜେଇ ବେପାରୀ କନ୍ଧମାଳରୁ ଗଞ୍ଜେଇ ଆଣି ଭୁବନେଶ୍ୱର ଉପକଣ୍ଠ ରାସ୍ତା ଦେଇ ପୁରୀ ଯାଉଥିଲେ । ଏନେଇ ବାଲିଅନ୍ତା ଥାନା ପୁଲିସ ଖବର ପାଇ ଥାନାର ଟିମକୁ ପଠାଇ ଅଚାନକ ଚଢ଼ଉ ପାଇଁ ପଠାଇଥିଲେ । ପରେ ଉଭୟ ଗଞ୍ଜେଇ ବେପାରୀଙ୍କୁ ପୁଲିସ ଘଟଣା ସ୍ଥଳରୁ ଗିରଫ କରିବା ସହ କାରକୁ ଜବତ କରିଛି ।
