ନିର୍ମାଣଧିନ ଘରୁ ଚୋରି, ଦୁଇ ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର: ଏକ ନିର୍ମାଣଧିନ ଘରୁ ପାଇପ ଚୋରି କରିବା ଅଭିଯୋଗରେ ନୂଆପଲ୍ଲୀ ପୁଲିସ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଦ୍ୱୟ ହେଲେ ଭଦ୍ରକର କମଳାକାନ୍ତ ସାହୁ ଓ କେନ୍ଦ୍ରାପଡାର ପ୍ରାଣକୃଷ୍ଣ ବିଶ୍ୱାଳ । ପୁଲିସ ଏମାନଙ୍କ ବିରୋଧରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ।
ସୂଚନାଯୋଗ୍ୟ ଯେ, ଅଭିଯୋଗକାରୀ ଶଙ୍କର ରାଉତ ଜଣେ ପାଇପ୍ ମିସ୍ତ୍ରୀ ଭାବରେ ଦୀର୍ଘ ଦିନ ହେବ କାର୍ଯ୍ୟ କରିଆସୁଥିବା ବେଳେ ଅଭିଯୁକ୍ତ କମଳାକାନ୍ତଙ୍କ ସମେତ ଅନ୍ୟ କିଛି ବ୍ୟକ୍ତି ତାଙ୍କ ତତ୍ୱାବଧାନରେ ପାଇପ୍ ମିସ୍ତ୍ରୀ ଭାବରେ କାର୍ଯ୍ୟ କରିଆସୁଥିଲେ । ଗତକାଲି ତା ୦୮.୦୪.୨୦୨୪ ରିଖରେ ନୟାପଲ୍ଲୀ ସ୍ଥିତ ଏନ୍ -୩ କାଳିମନ୍ଦିର ନିକଟରେ ଥିବ ନିର୍ମାଣ ଧୀନ ଘରେ ପାଇପ କାମ ଚାଲୁ ରହିଥିବା ବେଳେ ଅଭିଯୁକ୍ତ କମଳାକାନ୍ତ ସେଠାରୁ ପାଇପ କାମ ପାଇଁ ଥିବା କିଛି ସରଞ୍ଜାମ ଚୋରୀ କରି ନେଇଯାଇଥିଲେ । ଏହି ମାମଲାର ତଦନ୍ତ କରି ନୟପଲ୍ଲୀ ଥାନା ପୁଲିସ ବିଶେଷ ସୂତ୍ରରୁ ଖବର ପାଇ ଅଭିଯୁକ୍ତ କମଳାକାନ୍ତଙ୍କୁ କାବୁ କରିବା ସହ ତାଙ୍କ ହେପାଜତରୁ କିଛି ଚୋରୀ ଜିନିଷ ଜବତ କରି ଥାନା କୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ କମଳାକାନ୍ତ ନିଜର ଅପରାଧ ସ୍ୱୀକାର କରିବା ସହ ଅନ୍ୟ କିଛି ଚୋରୀ ସାମଗ୍ରୀକୁ ବରମୁଣ୍ଡା ସ୍ଥିତ ଅଭିଯୁକ୍ତ ପ୍ରାଣକୃଷ୍ଣକୁ ଦେଇଥିବା ଦର୍ଶାଇଥିଲେ । ପୁଲିସ ଅଭିଯୁକ୍ତ ପ୍ରାଣକୃଷ୍ଣଙ୍କୁ ଗିରଫ କରିବା ସହ ତାଙ୍କ ହେପାଜତରୁ ଚୋରୀ ଜିନିଷ ଜବତ କରିଥିଲେ । ପଚରା ଉଚରା ବେଳେ ପ୍ରାଣକୃଷ୍ଣ ନିଜର ଅପରାଧ ସ୍ୱୀକାର କରିଥିଲେ ।
