ବିରୋଧ କରିବାରୁ ଯୁବକଙ୍କୁ ଇଟାରେ ଆକ୍ରମଣ, ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୧୪ା୫ : ଭରତପୁର ଅଞ୍ଚଳରେ ଚୋରା ମଦ ବେପାରୀଙ୍କ ଗୁଣ୍ଡାରାଜ । ପ୍ରତିବାଦ କଲେ କରୁଛନ୍ତି ଆକ୍ରମଣ । ଏଭଳି ଏକ ଘଟଣା ହେଉଛି, ଦିର୍ଘ ଦିନ ହେବ ଭରତପୁର ଅଞ୍ଚଳରେ ଚୋରାରେ ଦେଶୀ ମଦ ବିକ୍ରି କରୁଥିବାକୁ ନେଇ ପଡୋଶି ଲୋକ ବିରୋଧ କରିବାରୁ ଉତ୍ୟକ୍ତ ହୋଇ ଯୁବକଙ୍କୁ ଇଟାରେ ଆକ୍ରମଣ କଲା ମଦ ବେପାରୀ । ଏନେଇ ଥାନାରେ ଅଭିଯୋଗ ପରେ ଆଜି ଅଭିଯୁକ୍ତକୁ ଗିରଫ କରିଛି ଭରତପୁର ଥାନା ପୁଲିସ । ଗିରଫ ଅଭିଯୁକ୍ତ ହେଲା, ଭରତପୁର ସତ୍ୟନଗର ବସ୍ତିର ନିର ଦାସ । ଆଜି ତାକୁ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୋଗକାରୀ ରାଜ କିଶୋର ଶର୍ମା ତାଙ୍କ ପରିବାର ସହ ଭରତପୁର ସତ୍ୟନଗର ବସ୍ତିରେ ରୁହୁଥିବା ବେଳେ ଅଭିଯୁକ୍ତ ମଦ ବେପାରୀର ଘର ମଧ୍ୟ ତାଙ୍କ ଘରକୁ ଲାଗିକି ରହିଛି । ଅଭିଯୁକ୍ତ ଜଣେ ଚୋରା ମଦ ବ୍ୟବସାୟୀ ହୋଇଥିବାରୁ ସେ ସବୁବେଳେ ଘରେ ମଦ ରଖି ଲୋକଙ୍କୁ ବିକ୍ରି କରି ଆସୁଥାଏ । ଅଭିଯୁକ୍ତର ବେଆଇନ୍ ମଦ କାରବାର ହେତୁ ନିଶାଡି ମାନେ ସେଠାରେ ମଦ୍ୟ ପାନ କରି ଅପ୍ରୀତିକର ପରିବେଶ ସୃଷ୍ଟି କରୁଥିଲେ । ଅଭିଯୋଗକାରୀ ଏହି ବେଆଇନ୍ ମଦ ବିକ୍ରିକୁ ବିରୋଧ କରିବାରୁ ଅଭିଯୁକ୍ତ ଉତ୍ୟକ୍ତ ହୋଇ ଏକ ଇଟାରେ ତାଙ୍କୁ ଆକ୍ରମଣ କରିଥିଲା । ଏଥିରେ ଅଭିଯୋଗକାରୀ ଆହତ ହୋଇ ହସ୍ପିଟାଲରେ ଚିକିତ୍ସିତ ହୋଇଥିଲେ । ପରେ ଏନେଇ ସେ ଭରତପୁର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଅଭିଯୁକ୍ତକୁ ଗିରଫ କରିଛି ।
