ମର୍ମନ୍ତୁଦ ସଡକ ଦୁର୍ଘଟଣା : ୨ ମୃତ, ୪ ଗୁରୁତର
Henamanjaree Swain
4031
କୋଇଡା : କୋଇଡାରେ ମର୍ମନ୍ତୁଦ ସଡକ ଦୁର୍ଘଟଣା । କୋଇଡାରୁ ଡିଜେ କ୍ରାଫ୍ଟ ନାମକ ଠିକାସଂସ୍ଥା ଶ୍ରମିକ ବୋଝେଇ ମାରୁତି ଓମନି ଗାଡି ସ୍ଥାନୀୟ କମଣ୍ଡ ଷ୍ଟିଲ୍ ପ୍ଲାଣ୍ଟ୍ ଆଭିମୁଖେ ଯାଉଥିବା ବେଳେ ଆର୍ୟନ ଛକ ନିକଟରେ ଅପର ପାର୍ଶ୍ୱରୁ ଦ୍ରୁତଗତିରେ ଆସୁଥିବା ଏକ ହାଇୱା ଗାଡି ଧକ୍କା ଦେଇଥିଲା । ଘଟଣା ସ୍ଥଳରେ ହିିଁ ଓମନି ଚାଳକ ଓ ଜଣେ ଶ୍ରମିକଙ୍କର ମୃତ୍ୟୁ ଘଟିଥିବା ବେଳେ ବାହାର ରାଜ୍ୟର ଚାରି ଜଣ ଶ୍ରମିକ ଗୁରୁତର ଆହତ ହୋଇଥିଲେ ।
ଆହତଙ୍କୁ ଚିକିତ୍ସା ପାଇଁ କୋଇଡା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଗୁରୁତରମାନଙ୍କୁ ରାଉରକେଲା ସ୍ଥାନାନ୍ତର କରାଯାଉଛି । କୋଇଡା ପୁଲିସ ଘଟଣାର ତଦନ୍ତ ଜାରି ରଖିଛି । ଘଟଣା ସ୍ଥଳରୁ ହାଇୱା ଚାଳକ ଫେରାର ଅଛନ୍ତି।
