ନିଜ ସ୍ତ୍ରୀକୁ ହତ୍ୟା ଉଦ୍ୟମ : ନୃଶଂସ ପାଲଟିଲା ସ୍ୱାମୀ
Rasmita Behera
ନିଜ ସ୍ତ୍ରୀକୁ ଜୀବନରୁ ମାରିଦେବାକୁ ଉଦ୍ୟମ । ଏଭଳି ସାଂଘାତିକ ଅଭିଯୋଗ ଆସିଛି ଜଣେ ପୋଲିସ କର୍ମଚାରୀଙ୍କ ବିରୋଧରେ । ନିଜ ସ୍ତ୍ରୀକୁ ହତ୍ୟା ଉଦ୍ୟମ କରି ଫେରାର ଅଛନ୍ତି ସ୍ୱାମୀ । ଗତ ସୋମବାର ବଲାଙ୍ଗୀର ସହରରେ ଏଭଳି ଏକ ଚାଞ୍ଚଲ୍ୟକର ଘଟଣା ଘଟିଯାଇଥିଲା । କନଷ୍ଟେବଳ ସ୍ୱାମୀ ଆକ୍ରମଣରେ ଗୁରୁତର ହୋଇ ଏବେ ବି ବଲାଙ୍ଗୀର ମେଡିକାଲରେ ଚିକିତ୍ସାଧୀନ ଅଛନ୍ତି କନଷ୍ଟେବଳ ସ୍ତ୍ରୀ । ସୂଚନା ଅନୁସାରେ ଗତ ସୋମବାର ବଲାଙ୍ଗୀରର କନଷ୍ଚେବଳ ଦମ୍ପତ୍ତି ନୁପୁର ବିଶ୍ବାଳ ଓ ଜ୍ୟୋତି ପ୍ରଧାନ ରାସ୍ତାରେ ଯାଉଥିବାବେଳେ ହଠାତ୍ ପତ୍ନୀଙ୍କ ଉପରକୁ ଆକ୍ରମଣ କରିଥିଲେ ସ୍ବାମୀ । ନିଜର ଏକ ସହଯୋଗୀ ଜଗା ସହ ପତ୍ନୀ ନୁପୁରଙ୍କୁ ପଥରରେ ଛେଚି ଛେଚି ହତ୍ୟା ଉଦ୍ୟମ କରି ଘଟଣା ସ୍ଥଳରୁ ପଳାଇଥିଲେ । ହେଲେ ନୁପୁରଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଡାକ୍ତରଖାନାରେ ଭର୍ତ୍ତି କରିଥିଲେ । ଘଟଣାକୁ ନେଇ ନୁପୁରଙ୍କ ପରିବାର ଥାନାରେ ଅଭିଯୋଗ କରିଥାନ୍ତି । ମାତ୍ର ୬ ଦିନ ପରେ ବି ଅଭିଯୁକ୍ତ ସ୍ବାମୀ ଜ୍ୟୋତି ପ୍ରଧାନଝଙ୍କୁ ଗିରଫ କରିବାରେ ସଫଳ ହୋଇନି ପୋଲିସ ।
