ବିଜେଡିର ଜନସଂପର୍କ ପଦଯାତ୍ରା 

ାା ପ୍ରଭାନୁ୍ୟଜ ।ା  ସାଲେପୁର:  ସାଲେପୁର ବ୍ଲକ୍ରେ ଦୀର୍ଘ ୨ମାସରୁ ଊଦ୍ଧ୍ୱର୍ ସମୟ ଧରି ବିଜୁ ଜନତା ଦଳ ପକ୍ଷରୁ ଚାଲିଥିବା ବ୍ଲକ୍ସ୍ତରୀୟ ଜନସଂପର୍କ ପଦଯାତ୍ରା ଉଦ୍ୟାପିତ ହୋଇଯାଇଛି । ଏଥିରେ ସାଲେପୁର ବିଧାୟକ ଯୋଗ ଦେଇ ମୁଁ ସବୁବେଳେ ସବୁ ସମୟରେ ଲୋକଙ୍କ ସେବା ପାଇଁ ତତ୍ପର । ତେଣୁ ପ୍ରତ୍ୟେକ ମୁହୂର୍ତ୍ତରେ ସାଲେପୁର ନିର୍ବାଚନ ମଣ୍ଡଳୀ ଜନସାଧାରଣଙ୍କର ବିକାଶର ଚିନ୍ତା କରିଥାଏ । ଏହି ନିର୍ବାଚନମଣ୍ଡଳୀର କୌଣସି ଯୋଗ୍ୟ ବ୍ୟକ୍ତି ଯେପରି ସରକାରୀ ଯୋଜନାରୁ ବାଦ୍ ନ ପଡନ୍ତି, ସେ ଦିଗରେ ମୁଁ ଗୁରୁତ୍ୱ ଦେଇଆସୁଛି ବୋଲି ଅନୁଷ୍ଠିତ ଉଦ୍ୟାପନୀ ଉତ୍ସବରେ ପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ସଂଖ୍ୟାଲଘୁ ବିଜେଡି ନେତା ତଥା ରାଜ୍ୟସଭା ସାଂସଦ ମୁନା ଖାଁ, କେନ୍ଦ୍ରାପଡ଼ା ଲୋକସଭା ବିଜେଡି ପ୍ରାର୍ଥୀ ତଥା ରାଜନଗରର ପୂର୍ବତନ ବିଧାୟକ ଅଂଶୁମାନ ମହାନ୍ତି ପ୍ରମୁଖ ଯୋଗ ଦେଇ ବିଜେଡି ଦଳର ଆଭିମୁଖ୍ୟ ସଂପର୍କରେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇଥିଲେ । ଆତ୍ମାର ସଭାପତି ଦିଲ୍ଲୀପ ଦାଶଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉଦ୍ୟାପନୀ ଉତ୍ସବରେ ଅନ୍ୟମାନଙ୍କ ମଧ୍ୟରେ ବ୍ଲକ୍ ଅଧ୍ୟକ୍ଷ ରାମଚନ୍ଦ୍ର ଭୋଇ, ବ୍ଲକ୍ ବିଜେଡି ସଭାପତି ଅନନ୍ତ ଚରଣ ପ୍ରଧାନ, କାର୍ଯ୍ୟକାରୀ ସଭାପତି ନାରାୟଣ ପତି, ଜିଲ୍ଲାପରିଷଦ ସଭ୍ୟା ନମିତା ସେଠୀ, ରଂଜିତା ସେଠୀ, ହରପ୍ରସନ୍ନ ବେହେରା,ବ୍ଲକ୍ ଯୁବ ବିଜେଡିସଭାପତି ସଂଜିତ୍ ଦାଶ, ଜିଲ୍ଲା ଯୁବ ବିଜେଡି ସାଧାରଣ ସଂପାଦକ ବିରଞ୍ଚôନାରାୟଣ କର, ମିଶନ୍ ଶକ୍ତି ସଭାନେତ୍ରୀ ତୃପ୍ତିରେଖା ପରିଡ଼ା, ମହିଳା ବିଜେଡି ସଭାନେତ୍ରୀ ରାଜଶ୍ରୀ ଜେନା, ବିଜେଡି ନେତା ରମେଶ ଜେନା, ଚିତ୍ତରଂଜନ ମହାନ୍ତି, ବ୍ଲକ୍ ସଂଖ୍ୟାଲଘୁ ସେଲ୍ ସଭାପତି ସେକ୍ ସମିମ ଅଖତର, ଯୁବନେତା ଗୁଲରେଜ୍ ଅଲ୍ଲୀ, ଛାତ୍ର ବିଜେଡି ସଭାପତି ଶୁଭମ୍ ଦାଶ, ବ୍ଲକ୍ ଉପାଧ୍ୟକ୍ଷ ପ୍ରତିନିଧି ବିଶ୍ୱଜିତ୍ ବିଶ୍ୱାଳ, ସରପଞ୍ଚ ପବିତ୍ର ସାମଲ, ମନୋରଂଜନ ସ୍ୱାଇଁ, ଜ୍ଞାନରଂଜନ ପଟ୍ଟନାୟକ, ଜ୍ୟୋତିରେଖା ନାୟକ, ସଂଜୟ ବେହୁରା, ସୌମ୍ୟରଂଜନ ମଲ୍ଲଙ୍କ ସମେତ ୩୫ଟି ପଞ୍ଚାୟତରୁ ଆସିଥିବା ବିଜେଡି ମହିଳା ଓ ପୁରୁଷ କର୍ମୀ ଓ ଲୋକପ୍ରତିନିଧିମାନେ ଯୋଗ ଦେଇଥିଲେ । ଏହି  ଅବସରରେ ରାଜନଗରର ପୂର୍ବତନ ବିଧାୟକ ଅଂଶୁମାନ ମହାନ୍ତିଙ୍କ ଜନ୍ମଦିନ ଉପଲକ୍ଷେ ସାଲେପୁର ବିଜେଡି ପକ୍ଷରୁ କେକ୍ କଟାଯାଇ ମଞ୍ଚ ଉପରେ ତାଙ୍କର ଜନ୍ମଦିନ ପାଳନ କରାଯାଇଥିଲା ।