ବିଜେଡିର ପଦଯାତ୍ରା
Rasmita Behera
ାା ପ୍ରଭାନୁ୍ୟଜ ।ା ନିଆଳି : ନିଆଳି ବ୍ଲକ୍ର ୬ଟି ପଞ୍ଚାୟତକୁ ନେଇ ଗଠିତ ୨୨ ନମ୍ବର ଜୋନ୍ରେ ବିଜେଡି ପକ୍ଷରୁ ଜନ ସମ୍ପର୍କ ଅଭିଯାନ ଅନୁଷ୍ଠିତ ହୋଇଯାଇଛି । ନିଆଳି ହାଇସ୍କୁଲ୍ ପଡିଆ ମୁଖ୍ୟ ଫାଟକ ନିକଟରେ ନିଆଳିର ପୂର୍ବତନ ବିଧାୟକ ଡାକ୍ତର ପ୍ରମୋଦ କୁମାର ମଲ୍ଲିକ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଏକ ଶୋଭାଯାତ୍ରାରେ ନିଆଳି ବଜାର ପରିକ୍ରମା କରିବା ପରେ ନୂଆ ଗାଁସ୍ଥିତ ପ୍ରାଚୀ ମଣ୍ଡପ ଠାରେ ସାଧାରଣ ସଭା ଅନୁଷ୍ଠିତ ହୋଇଥିଲା । ବ୍ଲକ୍ ବିଜେଡି ସଭାପତି ତି୍ରଲୋଚନ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ନିଆଳିର ପୂର୍ବତନ ବିଧାୟକ ଡାକ୍ତର ମଲ୍ଲିକ ମୁଖ୍ୟଅତିଥି ଭାବେ ଯୋଗ ଦେଇ ସଙ୍ଗଠନକୁ ତୃଣମୂଳ ସ୍ତରରୁ ସୁଦୃଢ କରିବା ପାଇଁ ଆହ୍ୱାନ ଦେଇଥିଲେ । ୨୨ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ସୌଦାମିନୀ ମହାପାତ୍ର, ବିଜେଡି ନେତା ପ୍ରକାଶ ମହାନ୍ତି, ପଞ୍ଚାୟତ ସମିତି ପୂର୍ବତନ ଅଧ୍ୟକ୍ଷ ନ୍ୟାୟବ୍ରତ ରାଉତ ପ୍ରମୁଖ ବକ୍ତବ୍ୟ ରଖିଥିଲେ । ବ୍ଲକ୍ ବିଜେଡି କାର୍ଯ୍ୟକାରୀ ସଭାପତି ଅନ୍ତର୍ଯ୍ୟାମୀ ବଡୁ କାର୍ଯ୍ୟକ୍ରମ ପରିଚାଳନା କରିଥିବାବେଳେ ବ୍ଲକ୍ ଯୁବ ବିଜେଡି ସଭାପତି ବିଷ୍ଣୁ ଚରଣ ସ୍ୱାଇଁ ଧନ୍ୟବାଦ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବାହାରଣା ପଞ୍ଚାୟତ ସମିତି ସଭ୍ୟ ଅବିନାଶ ପ୍ରଧାନ, କସର୍ଦା ସରପଞ୍ଚ ସୁରେଶ ପଟ୍ଟନାୟକ, ତୃପ୍ତି ରଞ୍ଜନ ରାଉତ, ପ୍ରମୋଦ କୁମାର ବେହେରା, ସରପଞ୍ଚ ବବିତା ରାଣୀ ବେହେରା, ରତ୍ନାକର ନାୟକଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ଥିଲେ ।
