ଖୁବଶୀଘ୍ର ବିଜେଡି- ବିଜେପି ମେଣ୍ଟ !
Rasmita Behera
5723
ଭୁବନେଶ୍ୱର : ଶଙ୍ଖ ଭବନରେ ବିଜେଡିର ଗୁରୁତ୍ୱପୂର୍ଣ୍ଣ ବୈଠକ ବସିଛି। ଉକ୍ତ ବୈଠକରେ ବରିଷ୍ଠ ନେତା ପ୍ରସନ୍ଦ ଆଚାର୍ଯ୍ୟ ଉପସ୍ଥିତ ଥିବାବେଳେ ଅଶୋକ ପଣ୍ଡା, ଭୂପିନ୍ଦର ସିଂ, ଚନ୍ଦ୍ରଶେଖର ସାହୁ ପ୍ରମୁଖ ଉପସ୍ଥିତ ଅଛନ୍ତି। ଅନ୍ୟପକ୍ଷରେ କଂଗ୍ରେସ ଆଣିଛି ଏକ ବଡ଼ ଅଭିଯୋଗ । କଂଗ୍ରେସ କହିଛି ଭାଜପା ଏବଂ ବିଜେଡି ମେଣ୍ଟ କାଏମ ରହିଛି। ସୋସିଆଲ ମିଡିଆ ‘ଏକ୍ସ’ରେ ରାଜ୍ୟ କଂଗ୍ରେସ ଏପରି ପ୍ରତିକ୍ରିୟା ଦେଇଛି। ଗତକାଲି ରାଜ୍ୟ ସଭାରେ ଓ୍ବକ୍ଫ ବିଲ ଭୋଟିଂକୁ ନେଇ କଂଗ୍ରେସ ଏପରି ଅଭିଯୋଗ ଆଣିଛି। ବିବେକ ଅନୁସାରେ ଭୋଟିଂ କରିବାକୁ ବିଜେଡି ନିଜ ଏମ୍ପିଙ୍କୁ କହିଥିଲା। ବିଲ୍ ସପକ୍ଷରେ ବିଜେଡିର ବରିଷ୍ଠ ଏମ୍ପି ସସ୍ମିତ ପାତ୍ର ଭୋଟ୍ ଦେଇଛନ୍ତି। ଏଥିରୁ ସ୍ପଷ୍ଟ ଜଣାପଡୁଛି ରାଜ୍ୟରେ ବିଜେଡି-ବିଜେପି ମଧ୍ୟରେ ଗଠବନ୍ଧନ କାଏମ ରହିଛି। ପରସ୍ପର ମଧ୍ୟରେ ସଲାସୁତରା କରି ଓଡ଼ିଶାର ଜନତାଙ୍କୁ ଠକିବାକୁ ଚାହୁଁଛନ୍ତି ବୋଲି ପିସିସି ସଭାପତି ଭକ୍ତ ଦାସ କହିଛନ୍ତି।
