ପିସିସି ସଭାପତିଙ୍କୁ କାଳିମାଡ଼
PCC president Sarat Patanaik
Ramachandi Prasad
ଭୁବନେଶ୍ୱର : ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼ କରାଯାଇଛି । କଂଗ୍ରେସ ଭବନର ଚାମ୍ବରରେ ସେ ବସିଥିବାବେଳେ କିଛି ଯୁବକ ତାଙ୍କୁ କାଳିମାଡ଼ କରିଥିଲେ । ସେମାନେ କଂଗ୍ରେସ ଭବନରେ ପଶି ଶରତଙ୍କ ଉପରକୁ କାଳି ଫିଙ୍ଗିଥିଲେ । ଯାହାକୁ ନେଇ କଂଗ୍ରେସରେ ଆଲୋଡ଼ନ ସୃଷ୍ଟିହୋଇଛି । ଏହି ଘଟଣା ପରେ କଂଗ୍ରେସ ଭବନକୁ ବନ୍ଦ କରାଯାଇଥିଲା । କିଏ କାଳିମାଡ଼ କରିଥିଲେ ସେନେଇ କେହିକିଛି କହୁନାହାନ୍ତି । ଏହି ଖବର ପାଇବା ପରେ ଅନେକ ନେତା କଂଗ୍ରେସ ଭବନକୁ ଆସି ଘଟଣାର ଅନୁଧ୍ୟାନ କରୁଛନ୍ତି ।
ଅପରପକ୍ଷରେ ଏହାକୁ ନେଇ କଂଗ୍ରେସ ଭବନରେ ଉତ୍ତେଜନା ପ୍ରକାଶ ପାଇଛି । ଶରତ ପଟ୍ଟନାୟକଙ୍କ ସମର୍ଥକମାନେ କଂଗ୍ରେସ ଭବନକୁ ଆସି ଜିନ୍ଦାବାଦ ନାରା ଦେଇଛନ୍ତି । ଟିକେଟ ଆବଣ୍ଟନକୁ ନେଇ କଂଗ୍ରେସର ଅନେକ ନେତା ପୂର୍ବରୁ ଅସନ୍ତୋଷ ପ୍ରକାଶ କରିଥିଲେ । ଏପରିକି ପିସିସି ପ୍ରଭାରୀ ଅଜୟ କୁମାର ଓ ଶରତଙ୍କୁ ନିର୍ବାଚନର ବିପର୍ଯ୍ୟୟ ପାଇଁ ଦାୟୀ କରିଥିଲେ । ସେହିପରି ଶରତ ମଧ୍ୟ କେତେକ ନେତାଙ୍କ ବିରୋଧରେ ପାଲଟା କାର୍ଯ୍ୟାନୁଷ୍ଠାନ ଗ୍ରହଣ କରି ଦଳରୁ ବହିଷ୍କାର ମଧ୍ୟ କରିବାକୁ ପଛେଇ ନଥିଲେ । ଆଗାମୀ ଦିନରେ ଦଳରେ ଶରତ ବିରୋଧୀ ହାୱା ବହିବା ସହ ଶରତ ହଟାଅ ଅଭିଯାନ ପାଇଁ ଦିଲ୍ଲୀ ଦୌଡ଼ ହେବବୋଲି ଚର୍ଚ୍ଚା ହେଉଛି ।
