ଅମରେଶ ଓ ବିରଞ୍ଚିଙ୍କ ଉପରେ ନବୀନଙ୍କ ଛାଟ
Biju Janata Dal
Ramachandi Prasad
4957
ଭୁବନେଶ୍ୱର : ଶେଷରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଆକ୍ରମଣାତ୍ମକ ଆଭିମୁଖ୍ୟ ପୋଷଣ କରିଛନ୍ତି । ଭୁବନେଶ୍ୱର ବିଜେଡ଼ିରେ ଚାଲିଥିବା ଗୋଷ୍ଠୀକନ୍ଦଳକୁ ଗୁରୁତର ସହ ଗ୍ରହଣ କରିଛନ୍ତି । ଏନେଇ ୪ ନେତାଙ୍କୁ ଦଳ ପକ୍ଷରୁ ନୋଟିସ୍ ଦିଆଯାଇଛି । ବରିଷ୍ଠ ନେତା ଅମରେଶ ଜେନା, ବିରଞ୍ôଚ ମହାସୁପକାର, ବିବେକ ସ୍ୱାଇଁ ଓ ରାଜେଶ ପାତ୍ରଙ୍କୁ ନୋଟିସ୍ ଦିଆଯାଇଛି । ସେମାନଙ୍କ ବିରୋଧରେ କାହିଁକି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାନଯିବ ତାହାର ଉତ୍ତର ୧୫ ଦିନ ମଧ୍ୟରେ ରଖିବାକୁ ଜିଲ୍ଲା ସଭାପତି ସୁଶାନ୍ତ ରାଉତ ନୋଟିସ୍ ଦେଇଛନ୍ତି । ଯାହା ଏବେ ବିଜେଡ଼ି ରାଜନୀତିରେ ଚର୍ଚ୍ଚା ସୃଷ୍ଟିକରିଛି । ନିକଟରେ ସୁଶାନ୍ତ ଓ ବିରଞ୍ôଚଙ୍କୁ ନେଇ ଶଙ୍କ ଭବନରେ ତୁମୁଳ କାଣ୍ଡ ଘଟିଥିଲା । ଉଭୟ କର୍ପୋରେଟରଙ୍କୁ ବିଏମସିର ଅନ୍ୟ ବିଜେଡ଼ି କର୍ପୋରେଟରମାନେ ଜୋରଦାର ଟାର୍ଗେଟ୍ କରିଥିଲେ ।
