ନବୀନ ସରକାରଙ୍କୁ ଉପାଡ଼ି ଫିଙ୍ଗିଦିଅ : ଶାହ

ପ୍ରଭାନ୍ୟୁଜ : ଚିରାଚରିତ ଢ଼ଙ୍ଗରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ରାଜ୍ୟ ସରକାରଙ୍କ କଠୋର ସମାଲୋଚନା କରିଛନ୍ତି  । ନବୀନ ସରକାରଙ୍କୁ ଉପାଡ଼ି ଫିଙ୍ଗିଦେବାକୁ ସେ ଆହ୍ୱାନ ଦେଇଛନ୍ତି  । ଏଠକାର ସରକାର ଓଡ଼ିଶାକୁ ବହୁ ଦୂରରେ ରଖିଛନ୍ତି  । ଏଠାରେ ଭ୍ରଷ୍ଟାଚାର ଚାଲିଛି  । ଓଡ଼ିଶାରେ ଖଣି, ପାଣି ସବୁ ଅଛି  । ହେଲେ ସମୃଦ୍ଧି ଠାରୁ ଓଡ଼ିଶା ଦୂରରେ ରହିଛି  । ମୋଦିଙ୍କ ଶାସନରେ ଦେଶରେ ବିକାଶର ଗଙ୍ଗା ବହୁଛି  । ଡବଲ ଇଞ୍ଜିନ ସରକାର ଆସିଲେ ଓଡ଼ିଶାର ବିକାଶ ହୋଇପାରିବ  । ଆଉ ଓଡ଼ିଆ ପିଲାମାନଙ୍କୁ ବାହାରକୁ ଦାଦନ ଯିବାକୁ ପଡ଼ିବ ନାହିଁ  । ମୋଦିଜୀ ଦେଶର ସମୃଦ୍ଧି କରିଛନ୍ତି  । ଦେଶକୁ ସୁରକ୍ଷିତ କରିଛନ୍ତି  । ଆଗଭଳି ଆଉ ପାକିସ୍ତାନ ଆତଙ୍କବାଦୀ ଏଠାରେ ଧମାକା କରୁଛନ୍ତି  । ମୋଦି ସରକାର ଚାଉଳ ପଠାଉଛନ୍ତି, ହେଲେ ନବୀନ ବାବୁ କହୁଛନ୍ତି ଆମେ ଦେଉଛୁ  । ଏହା ମିଛ କଥା  । ଓଡ଼ିଶାକୁ ୧୦ ହଜାର କୋଟି ଟଙ୍କା ମୋଦି ପଠାଇଲେ  । ହେଲେ ଅପାରଗ ସରକାର ୫ ହଜାର କୋଟି ଟଙ୍କା ଖର୍ଚ୍ଚ କରିପାରିଲେନି  । ଏଠାରେ ମୋଦିଙ୍କ ନେତୃତ୍ୱରେ ପଦ୍ମ ଫୁଲ ସରକାର ଗଢ଼ନ୍ତୁ, ସବୁ ଘରକୁ ପାଇପରେ ପାଣି ପହଁଚିଯିବ  । ଆୟୂଷ୍ମାନ ଯୋଜନାର ଫାଇଦା ଓଡ଼ିଶାବାସୀ ପାଉନାହାନ୍ତି  । ଯଦି ଏହି ଯୋଜନା ଲାଗୁହେବ, ତେବେ ମୋଦି ଲୋକପ୍ରିୟ ହୋଇଯିବେ ବୋଲି ନବୀନ ବାବୁ ଡରୁଛନ୍ତି  । ଓଡ଼ିଶାରେ ନାଁ ପାଇପରେ ପାଣି ମିଳୁଛି, ନା ଚିକିତ୍ସା ଖର୍ଚ୍ଚ ମିଳୁଛି, ନା ବସ୍ତ୍ର କାରଖାନା ହେଉଛି  । ଯଦି ବିଜେପି ସରକାର ଆସିବ ତେବେ ଏଠାରେ ଟେକ୍ସଟାଇଲ୍‌ ମିଲ୍‌ ଆସିବ  । ମତ୍ସ୍ୟଜୀବୀଙ୍କୁ ଆଗକୁ ବଢ଼ାଇବା ପାଇଁ କାର୍ଯ୍ୟ କରାଯିବ  । ସେହିପରି କୃଷିଭିତ୍ତିକ କାରଖାନା ସ୍ଥାପନ କରାଯାଇ ଚାଷୀଙ୍କ ବିକାଶ କରାଯିବ  । ଓଡ଼ିଶା ସରକାର ମୋଦିଙ୍କ ଯୋଜନାକୁ ନିଜର ବୋଲି କହୁଛନ୍ତି  । ନବୀନଙ୍କ ଫଟୋ ଲଗାଇ ନିଜର କରିଦେଉଛନ୍ତି  । ଓଡ଼ିଶାବାସୀ ସବୁ ଜାଣିଛନ୍ତି  । ଏ ଘର ନରେନ୍ଦ୍ର ମୋଦି ପଠାଇଛନ୍ତି  । ୫ କିଲୋ ଚାଉଳ ବି ମୋଦି ପଠାଉଛନ୍ତି  । ମହାପ୍ରଭୂ ଜଗନ୍ନାଥଙ୍କ କ୍ଷେତ୍ରକୁ ପର୍ଯ୍ୟଟନ କେନ୍ଦ୍ରରେ ପରିଣତ କରି ଏହାର ଗୌରବକୁ ହ୍ରାସ କରାଯାଇଛି  । କିନ୍ତୁ କାଶୀ ବିଶ୍ୱନାଥଙ୍କ ଭଳି ମହାପ୍ରଭୂ ଜଗନ୍ନାଥଙ୍କ ମହିମା ମଣ୍ଡନ ଭାରତୀୟ ଜନତା ପାର୍ଟି କରିବ  । ଓଡ଼ିଶାରେ ବିକାଶର ବହୁ ସମ୍ଭାବନା ରହିଛି  । ସବୁଠୁ ଅଧିକ ଗରିବୀ ଓଡ଼ିଶାରେ ଅଛନ୍ତି  । ଖଣିଜସମ୍ପଦର ଲୁଟ୍‌ ହେଉଛି  । ବିଜେପି ସରକାର ଆସିଲେ ଏହି ଲୁଟ୍‌ ବନ୍ଦ ହେବା ସହ ଆଦିବାସୀ ଭାଇଭଉଣୀଙ୍କ ବିକାଶ ହୋଇପାରିବ  । 
ଉପା ସରକାର ଅମଳରେ ୧ ଲକ୍ଷ ୪୩ ହଜାର କୋଟି ଟଙ୍କା ଆସିଥିଲା  । କିନ୍ତୁ ନରେନ୍ଦ୍ର ମୋଦି ୧୦ ବର୍ଷରେ ୪ ଲକ୍ଷ ୮୧ ହଜାର କୋଟି ଟଙ୍କା ଦେଇଛନ୍ତି  । ୧ ଲକ୍ଷ ୫୦ ହଜାର କୋଟି ଭିତ୍ତିଭୂମି, ୨୩ ହଜାର କୋଟି ସଡ଼କ, ୬୫ ହଜାର କୋଟି ରେଳବାଇକୁ ଦିଆଯାଇଛି  । ୨୦ ବର୍ଷରେ ଓଡ଼ିଶା ଯେଉଁଠି ଥିଲା ଏବେ ସେଇଠି ରହିଛି  । ଡବଲ ଇଞ୍ଜିନ ସରକାର ଯେଉଁଠି ହୋଇଛି ସେଠାରେ ରାଜ୍ୟ ତିନି ଚାରିଗୁଣା ପ୍ରଗତି କରିଛନ୍ତି  । ଏବେ ସମୟ ଆସିଛି, ଓଡ଼ିଶାର ଯୁବକମାନେ ବିଶ୍ୱସ୍ତରରେ ସୁନାମ କରିବାର  ।