ଇତିହାସ ରଚିଲେ ମନୁ, ସୁଟିଂରେ ଆଉ ଏକ ବ୍ରୋଞ୍ଜ
Rasmita Behera
4211
ପ୍ୟାରିସ୍ : ଅଲିମ୍ପିକ୍ସରେ ଇତିହାସ ରଚିଛନ୍ତି ମନୁ ଭାକର । ପ୍ରଥମ ଭାରତୀୟ ଭାବେ ସେ ଗୋଟିଏ ଅଲିମ୍ପିକ୍ସରେ ୨ଟି ପଦକ ହାସଲ କରିବାର ଗୌରବ ପାଇଛନ୍ତି । ୧୦ ମିଟର ଏୟାର ପିସ୍ତଲ ଇଭେଣ୍ଟର ମହିଳା ସିଙ୍ଗଲ୍ସରେ ବ୍ରୋଞ୍ଜ ହାସଲ କରିଥିଲେ ମନୁ । ଆଜି ସେ ସରବଜୋଟ ସିଂଙ୍କୁ ସାଥି କରି ୧୦ ମିଟର ଏୟାର ପିସ୍ତଲର ମିକ୍ସଡ଼ ଡବଲ୍ସରେ ଆଉ ଏକ ବ୍ରୋଞ୍ଜ ହାସଲ କରିଛନ୍ତି । କୋରିଆ ଯୋଡ଼ି ଲିୱନହୋ ଓ ୟେଜିନଙ୍କୁ ପରାସ୍ତ କରି ସେମାନେ ଭାରତ ପାଇଁ ଗୌରବ ଆଣିଛନ୍ତି । ଭାରତର ପ୍ରଥମ ଯୋଡ଼ି ଭାବେ ସୁଟିଂରେ ସେମାନେ ମିଳିତ ପଦକ ଜିତିବାରେ ସଫଳ ହୋଇଛନ୍ତି ।
