ଏମାନଙ୍କୁ ମିଳିବନି ସୁଭଦ୍ରା
Rasmita Behera
ଭୁବନେଶ୍ୱର : ସୁଭଦ୍ରା ଯୋଜନାକୁ ନେଇ ସରକାର କରିଛନ୍ତି ବଡ ଘୋଷଣା । ଯାହାକୁ ନେଇ ସମସ୍ତ ଆବେଦନକାରୀ ବେଶ୍ ଉତ୍ସାହିତି । ଆସନ୍ତା ୨୪ରେ ମିଳିବ ସୁଭଦ୍ରା ଟଙ୍କା । ତୃତୀୟ ପର୍ଯ୍ୟାୟରେ ପ୍ରାୟ ୨୦ ଲକ୍ଷ ହିତାଧିକାରୀଙ୍କୁ ପ୍ରଥମ କିସ୍ତି ମିଳିବ ବୋଲି ଜାଣିବାକୁ ମିଳିଛି । ପୂର୍ବରୁ ଦୁଇ କିସ୍ତିରେ ୬୦ ଲକ୍ଷ ହିତାଧିକାରୀଙ୍କୁ ଟଙ୍କା ମିଳିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଆସି ସୁଭଦ୍ରା ଯୋଜନାର ଶୁଭାରମ୍ଭ କରିଥିଲେ । ପ୍ରତିବର୍ଷ ରାକ୍ଷୀପୂର୍ଣ୍ଣିମା ଓ ମହିଳା ଦିବସରେ ସୁଭଦ୍ରାର ଦୁଇ କିସ୍ତି ବାବଦରେ ୧୦ ହଜାର ଟଙ୍କା ମିଳିବ । ଇ-କେୱାଇସି ପାଇଁ ଅନେକ ହିତାଧିକାରୀ ହଇରାଣ ହେଉଥିବାରୁ ସେ ବ୍ୟବସ୍ଥା ମଧ୍ୟ ସରକାର ଉଚ୍ଛେଦ କରି ଦେଇଛନ୍ତି । ସେହିପରି ରାସନ୍ କାର୍ଡ଼ ସହ ଯେଉଁମାନଙ୍କର ନାମ ଅମେଳ ହେଉଥିଲା ସେମାନେ ବଂଚିତ ହୋଇଥିଲେ । ପ୍ରଥମ ଦୁଇ ଦଫାରେ ଅଙ୍ଗନବାଡ଼ି ଓ ଆଶା କର୍ମୀମାନେ ବି ସାମିଲ୍ ହୋଇପାରିନଥିଲେ । ତେବେ କେତେକ କୋହଳ କରାଯିବା ପରେ କୋଟିଏରୁ ଉଦ୍ଧ୍ୱର୍ ହିତାଧିକାରୀ ସୁଭଦ୍ରା ଯୋଜନାରେ ସହାୟତା ପାଇବେ ବୋଲି ଜାଣିବାକୁ ମିଳିଛି । ବର୍ତ୍ତର୍ମାନ ପର୍ଯ୍ୟନ୍ତ ୨ଲକ୍ଷ ୭୬ହଜାର ସୁଭଦ୍ରା ଆବେଦନ ପତ୍ର ରିଜେକ୍ଟ ହୋଇଛି । ବିଭିନ୍ନ ତ୍ରୁଟି କାରଣରୁ ଏହି ଆବେଦନ ଫର୍ମ ରିଜେକ୍ଟ ହୋିଇଛ ବୋଲ ପ୍ରଭାତୀ ପରିଡା କହିଛନ୍ତି ି । ଏହି ରିଜେକ୍ଟ ତାଲିିକା ଜିଲ୍ଲାପାଳଙ୍କ ଜରିଆରେ ବ୍ଲକକୁ ପଠାଯାିଇଥିବା ବେଳେ ଆଧାର କାଡଁ, ବ୍ୟାଙ୍କ ତ୍ରୁଟିକୁ ସଂଶୋଧନ କଲେ ସୁଭଦ୍ରା ଟଙ୍କା ମିଳିପାରିବ ବୋଲି ଉପମୁଖ୍ୟମନ୍ତ୍ରୀ ସୂଚନା ଦେିଇଛନ୍ତି ।
