ଚୋରି ଟ୍ରକ୍ ଉଦ୍ଧାର
Rasmita Behera
ାା ପ୍ରଭାନୁ୍ୟଜ୍ ।ା କେନ୍ଦୁଝର: କେନ୍ଦୁଝର ଟାଉନ ଥାନା ଅନ୍ତର୍ଗତ ନିହାଲସିଂ ଛକ ଜୁଡିଆ ରାସ୍ତାରେ ଚୋରୀ ହୋଇଥିବା ଟ୍ରକକୁ ଯଶିପୁର ନିକଟରୁ ପୋଲିସ ଉଦ୍ଧାର କରିଛି । ସୂଚନାଯୋଗ୍ୟ ଯେ, ରାମଚନ୍ଦ୍ର ରାଉତଙ୍କ ଓଆର୍୦୪-ଏଲ୍-୬୧୮୨ ନମ୍ବର ବିଶିଷ୍ଟ ୧୨ ଚକିଆ ଟ୍ରକଟି ନିହାଲ ସିଂ ଛକଠାରୁ ଜୁଡିଆ ରାସ୍ତାରେ ଗତ ୨୦ ତାରିଖ ରାତିରେ ଚୋରୀ ହୋଇଥିଲା । ଏନେଇ ଟ୍ରକ ମାଲିକ ରାମଚନ୍ଦ୍ର ରାଉତ ଟାଉନ ଥାନାରେ ଏତଲା ଦେଇଥିବାବେଳେ ପୁଲିସ ୫୩୨/୨୦୨୪ ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପୋଲିସ ଅଭିଯୋଗ ପାଇବା ପରେ ଜିଲ୍ଲା ଏବଂ ଜିଲ୍ଲା ବାହାରେ ଥିବା ବିଭିନ୍ନ ଥାନାକୁ ସୂଚନା ଦେବା ପରେ ଟ୍ରକଟି କୁ ଚୋରମାନେ ରାଜ୍ୟ ବାହାରକୁ ନେଇ ପାରିନଥିଲେ । ଏସ୍ପିଙ୍କ ନିଦେ୍ର୍ଦଶରେ ଟାଉନ ଥାନା ସବଇନ୍ସପେକ୍ଟର ଙ୍କ ନେତୃତ୍ୱରେ ଏକ ସ୍କ୍ୱାର୍ଡ ଗଠନ କରାଯାଇ ତଦନ୍ତ ଚାଲିଥିବାବେଳେ ୨୪ ତାରିଖ ଅପରାହ୍ନରେ ମୟୁରଭଞ୍ଜ ଜିଲ୍ଲା ଯଶିପୁର ଥାନା ଅନ୍ତର୍ଗତ ଜାତୀୟ ରାଜପଥ ୪୯ ରୁ ୮ କିଲୋମିଟର ଦୂର ସାନଶିଆଳୀ ଗ୍ରାମ ନିକଟ ଏକ ଡ୍ୟାମ୍ ପାଖ ଜଙ୍ଗଲ ନିକଟରୁ ଚୋରୀ ହୋଇଥିବା ଟ୍ରକକୁ ଉଦ୍ଧାର କରାଯାଇଛି । ଏହି ଘଟଣାରେ ସଂପୃକ୍ତ ଚୋରମାନେ ଫେରାର ଥିବା ଜଣାପଡିଛି । କେନ୍ଦୁଝର ସହରରୁ ଗାଡି ଚୋରୀ କରିବା ପରେ ଗାଡି ନମ୍ବର ପ୍ଲେଟ ପରିବର୍ତ୍ତନ କରାଯାଇ ଓଡି୦୪-ଏଲ୍-୯୧୧୧ ଲଗାଯାଇଥିବା ଦେଖାଯାଇଛି । ତେବେ ଏହି ଘଟଣାରେ ସଂପୃକ୍ତ ଟ୍ରକ ଚୋରକୁ ଧରିବାକୁ ଉଦ୍ୟମ ଜାରୀ ରଖିଥିବା ଏହି ମାମଲାର ତଦନ୍ତକାରୀ ଅଧିକାରୀ ଏସ୍ଏନ୍ ମହାନ୍ତି ସୂଚନା ଦେଇଛନ୍ତି ।
