କାର ଧକ୍କାରେ ଶ୍ରମିକ ମୃତ
Rasmita Behera
4863
ବଲାଙ୍ଗିର : ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ଡାକବଙ୍ଗଳା ନିକଟରେ କାର୍ଧକ୍କାରେ ଜଣେ ଶ୍ରମିକଙ୍କ ମୃତୁ୍ୟ ଘଟିଛି । ବଲାଙ୍ଗୀର-ଭବାନୀପାଟଣା ଜାତୀୟ ରାଜପଥ ୨୬ ରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ମୃତ ବ୍ୟକ୍ତି ଜଣକ ସଇଁତଲା ଥାନା ଜଳିଆ ଗାଁର ଭକ୍ତି ସାହୁ ବୋଲି ଜଣାପଡିଛି । ଘଟଣାକୁ ନେଇ ଚାପା ଉତ୍ତେଜନା ଦେଖା ଦେଇଥିବା ବେଳେ ଦୀର୍ଘ ଦୁଇ ଘଣ୍ଟା ହେବ ଗାଡି ଚଲାଚଳ ବନ୍ଦ ହୋଇ ପଡି ଥିବା ଦେଖିବାକୁ ମିଳିଛି । ଶ୍ରମିକଙ୍କୁ କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିବା ବେଳେ ପୁଲିସ ଘଟଣାସ୍ଥଳରେ ପହଁଞ୍ଚି ଲୋକଙ୍କୁ ବୁଝାସୁଝା କରୁଛି । ଅନ୍ୟପଟେ ପୁଲିସ ଶ୍ରମକିଙ୍କୁ ଧକ୍କା ଦେଇଥିବା କାର୍ ଡ୍ରାଇଭରକୁ ଅଟକ ରଖି ତଦନ୍ତ ଜାରି ରଖିଛି ।
