ବିଜେଡ଼ି ଛାଡ଼ିଲେ ଅନୁଭବ
anubhab pattanaik khandapada
Ramachandi Prasad
5007
ଭୁବନେଶ୍ୱର : ବିଜୁ ଜନତା ଦଳରୁ ଇସ୍ତଫା ଦେଇଛନ୍ତି ଅନୁଭବ ପଟ୍ଟନାୟକ । ଦଳୀୟ ଟିକେଟ ପାଇବା ପାଇଁ ସେ ଦୀର୍ଘଦିନ ଧରି ଚାତକ ଭଳି ଚାହିଁ ରହିଥିଲେ । କିନ୍ତୁ ଆଜି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଖଣ୍ଡପଡ଼ା ଟିକେଟ ସାବିତ୍ରୀ ପ୍ରଧାନଙ୍କୁ ଦେଇଥିଲେ । ଖଣ୍ଡପଡ଼ା ବ୍ଳକ ଅଧ୍ୟକ୍ଷଙ୍କ ପତ୍ନୀଙ୍କୁ ଟିକେଟ ଦେଇ ଦଳ ମହିଳା କାଡର଼୍ ଖେଳିଛି । ତେବେ ଅନୁଭବଙ୍କୁ ଏହା ଝଟକା ଦେଇଛି । ଯେଉଁଥିପାଇଁ ସେ ଆଜି ବିଜୁ ଜନତା ଦଳ ଛାଡ଼ିଛନ୍ତି ।
ସୂଚନାଯୋଗ୍ୟଯେ, ସୌମ୍ୟରଞ୍ଜନ ବିଜେଡ଼ିରୁ ବହିଷ୍କାର ହେବା ପରେ ଅନୁଭବ ନିଶ୍ଚିତ ଟିକେଟ ପାଇବେ ବୋଲି ଆଶା ରଖିଥିଲେ । ତେବେ ପ୍ରାର୍ଥୀ ଚୟନ ବିଳମ୍ବିତ ହେଉଥିବାରୁ ଅନୁଭବଙ୍କ ସ୍ଥିତି ଦୋହଲି ଯାଇଛି ବୋଲି ଚର୍ଚ୍ଚା ହେଉଥିଲା । ଯାହା ଏବେ ସତ ବୋଲି ପ୍ରମାଣିତ ହୋଇଛି । ୨୦୧୯ରେ ବି ବିଜେଡ଼ି ତାଙ୍କୁ ଟିକେଟ ନଦେଇ ସୌମ୍ୟଙ୍କୁ ପ୍ରାର୍ଥୀ କରିଥିଲା । ସେତେବେଳେ ଦଳ ତାଙ୍କୁ ବୁଝାଶୁଝା କରି ବସାଇ ଦେଇଥିଲା ।
