ଖଇରାରେ ଦମ୍ ଦେଖାଇଲେ ବିଜେପି
Rasmita Behera
ଖଇରା : ସିମୁଳିଆ ନିର୍ବାଚନ ମଣ୍ଡଳୀ ଅନ୍ତର୍ଗତ ଖଇରା ବ୍ଲକ ରେ ମଙ୍ଗଳବାର ବିଜେପି ବିଧାୟକ ପ୍ରାର୍ଥୀ ପଦ୍ମଲୋଚନ ପଣ୍ଡା ଓ ଭଦ୍ରକ ଏମ୍ପି ପ୍ରାର୍ଥୀ ଅଭିମନ୍ୟୁ ସେଠୀ ପ୍ରଚାର ଆରମ୍ଭ କରିଛନ୍ତି । ଏକ ବାଇକ ଶୋଭାଯାତ୍ରା ମାଧ୍ୟମରେ ୧ହଜାରରୁୁ ଉର୍ଦ୍ଧ କର୍ମୀ ବିକଶିତ ଭାରତର ବାର୍ତ୍ତା ପ୍ରଦାନ କରିଛନ୍ତି । ପ୍ରଥମେ ଉଭୟ ପ୍ରାର୍ଥୀଙ୍କ ସମେତ ରାଜ୍ୟ ଯୁବ ମୋର୍ଚ୍ଚା କୋଷାଧକ୍ଷ ଇଂ ରାଜେଶ କୁମାର ମହାକୁଡ, ତୁଡିଗଡିଆ ମଣ୍ଡଳ ସଭାପତି ମହେଶ୍ୱର ନାଥ,ଖଇରା ମଣ୍ଡଳ ସଭାପତି ରାଜେଶ କୁମାର ରାଉତ, ସାଧାରଣ ସମ୍ପାଦକ ନିଳାମ୍ବର ପଣ୍ଡା ପ୍ରମୁଖ ଏକ ଖୋଲା ଜିପରେ ରକ୍ତତୀର୍ଥ ତୁଡିଗଡିଆରୁ ଶୋଭାଯାତ୍ରା ଆରମ୍ଭ କରିଥିଲେ । କର୍ମୀମାନେ ବତଜେପିକୁ ଜିତାଇ ଡବଲ ଇଂଜିନ ସରକାର ଗଠନ କରିବାକୁ ସ୍ଲୋଗାନ ଦେଇଥିଲେ । ତୁଡିଗଡିଆରୁ ବାହାରିଥିବା ଏହି ଶୋଭାଯାତ୍ରା ବର୍ତ୍ତନା ପହଞ୍ଚିବା ପୂର୍ବରୁ ଗଣ୍ଡିବେଡ, ଖଇରା, କୁପାରୀ, ବର୍ତ୍ତନା ବଜାରରେ ପ୍ରବଳ ଖରାକୁ ଭ୍ରୁକ୍ଷେପ ନକରି ପ୍ରିୟ ନେତାଙ୍କୁ ଉଚ୍ଛସିତ ସମ୍ବର୍ଦ୍ଧନା ଜ୍ଞାପନ କରିଥିଲେ । ଏଥିସହ ଖଇରା ଦୁର୍ଗାମଣ୍ଡପ ନିକଟରେ କିଛି ସମୟ ରହି ବଜରଙ୍ଗବଲୀଙ୍କର ଆଶିଷ ଭିକ୍ଷା କରିଥିଲେ । ଯୁବନେତା ନିଳମାଧବ ପଣ୍ଡା, କୁପାରୀ ସମିତି ସଭ୍ୟ ଅକ୍ଷୟ କୁମାର ଜେନା, ଖଇରାର ପୁର୍ବତନ ସମିତିସଭ୍ୟ ବିଷ୍ଣୁପଦ ସାହୁ, ତୁଡିଗଡିଆ ମଣ୍ଡଳ ଯୁବମୋର୍ଚ୍ଚା ସଭାପତି ନୃସିଂହ ସିଂ ଓ ଉପସଭାପତି ବୈକୁଣ୍ଠ ସାମଲ, କୁପାରୀ ମଣ୍ଡଳ ସଭାପତି ପତିତପାବନ କର, ଜିଲା ଯୁବ ମୋର୍ଚ୍ଚା କାର୍ଯ୍ୟକାରିଣୀ ସଭ୍ୟ ଶିବଶଙ୍କର ଖିଲାର, ରାଜ୍ୟ କାର୍ଯ୍ୟକାରିଣୀ ସଭ୍ୟ କରୁଣାକର ମହାନ୍ତି, ମାୟାଧର କୁଅଁର ପ୍ରମୁଖ ନେତୃବୃନ୍ଦ ନିଜ ନିଜର ବହୁ କର୍ମୀଙ୍କ ସହ ଏହି ଶୋଭାଯାତ୍ରାରେ ସାମିଲ ହୋଇଥିଲେ । ଏ ସମ୍ପର୍କରେ ଏମପି ପ୍ରାର୍ଥୀ ଅଭିମନ୍ୟୁ ସେଠୀଙ୍କ ମତାମତ ନେବାରେ ଓଡିଶାବାସୀ ମୋଦି ଗ୍ୟାରେଣ୍ଟି ସହ ଯୋଡି ହୋଇ ସାରିଛନ୍ତି । ଏଣୁ ଏଥର ରାଜ୍ୟରେ ବିଜେଡି ସରକାରର ପତନ ନିଶ୍ଚିତ ବୋଲି କହିଥିଲେ ।
