କାହିଁକି କିଛିଜଣଙ୍କରନୀଳ-ମାଟିଆ ଆଖି ଥାଏ , ଜାଣନ୍ତୁ
Rasmita Behera
ଅଧିକାଂଶ ଲୋକଙ୍କର ଆଖି କଳା ଥାଏ, କିନ୍ତୁ କେତେକ ସମୟରେ ସେଗୁଡ଼ିକ ମାଟିଆ, ଧୂସର, ନୀଳ ଏବଂ ସବୁଜ ମଧ୍ୟ ଥାଏ। ପ୍ରକୃତରେ, ଆଖିର ରଙ୍ଗ ବ୍ୟକ୍ତିର ଜିନ ଉପରେ ର୍ନିଭର କରେ। ଅନେକ ସମୟରେ ଲୋକମାନେ ଅଭିଯୋଗ କରନ୍ତି ଯେ କାହିଁକି ସେମାନଙ୍କ ଆଖି ସାଧାରଣ ଲୋକଙ୍କ ଆଖି ପରି ନୁହେଁ। ଏହି ଅଭିଯୋଗର ସମାଧାନ ହୋଇପାରିବ ନାହିଁ, କିନ୍ତୁ ଏହି ପ୍ରଶ୍ନର ଉତ୍ତର ଦିଆଯାଇପାରିବ।
ଆଖିର ରଙ୍ଗ ପାଇଁ କିଏ ଦାୟୀ?
ଆଖିର ରଙ୍ଗ ପିତୁଳାର ମେଲାନିନର ପରିମାଣ ଉପରେ ର୍ନିଭର କରେ। ଏହା ବ୍ୟତୀତ, ରଙ୍ଗ ର୍ନିଣ୍ଣୟ କରିବାରେ ପ୍ରୋଟିନ ମଧ୍ୟ ଏକ ମୁଖ୍ୟ କାରଣ। ଆଖିର ରଙ୍ଗକୁ ନଅଟି ଭିନ୍ନ ଭିନ୍ନ ବର୍ଗରେ ବିଭକ୍ତ କରାଯାଇଛି ଏବଂ ଆଖି ସହିତ ଜଡିତ 16ଟି ଜିନ ଅଛି। ଆଖି ପାଇଁ ଦୁଇଟି ଜିନ ବିଶେଷ ଭାବରେ ଦାୟୀ, ପ୍ରଥମଟି ହେଉଛି OCA2 ଏବଂ ଦ୍ୱିତୀୟଟି ହେଉଛି HERC2। ଉଭୟ କ୍ରୋମୋଜୋମ 15 ରେ ଅବସ୍ଥିତ ଏବଂ HERC2 ଜିନ OCA2 କୁ ନିୟନ୍ତ୍ରଣ କରେ ଏବଂ HERC2 ନୀଳ ଆଖି ପାଇଁ ଦାୟୀ। ଯେତେବେଳେ OCA2 ନୀଳ ଏବଂ ସବୁଜ ଆଖି ପାଇଁ ଦାୟୀ।
ନୀଳ ଏବଂ ଧୂସର ଆଖିର କାରଣ କ’ଣ?
ସାରା ବିଶ୍ୱରେ ଅଧିକାଂଶ ଲୋକଙ୍କ ଆଖିର ରଙ୍ଗ ମାଟିଆ ହୋଇଥାଏ କାରଣ ସେମାନଙ୍କୁ ବିକଶିତ କରୁଥିବା ଜିନ ବିଶ୍ୱରେ ବହୁ ସଂଖ୍ୟାରେ ଉପସ୍ଥିତ ଥାଏ। ନୀଳ ଆଖି ସବୁଠାରୁ କମ ଦେଖାଯାଏ। ଏହା ବିଶ୍ୱାସ କରାଯାଏ ଯେ ପ୍ରାୟ ଛଅ ହଜାରରୁ ୧୦ ହଜାର ବର୍ଷ ପୂର୍ବେ ମାନବ ଜିନରେ ପରିବର୍ତ୍ତନ ଆସିଥିଲା, ଯାହାଦ୍ୱାରା ଆଖିର ରଙ୍ଗ ନୀଳ ହୋଇଗଲା। ଦୁନିଆରେ ଧୂସର ଆଖି ଥିବା ଲୋକ ମଧ୍ୟ ଅଛନ୍ତି। ସେମାନଙ୍କ ଆଖିରେ ମେଲାନିନ ରଞ୍ଜକ କମ ଥାଏ, ତେଣୁ ଆଖି ଧୂସର ରହିଥାଏ। ସବୁଜ ଆଖି ବିଷୟରେ କହିବାକୁ ଗଲେ, ବିଶ୍ୱର କେବଳ ଦୁଇ ପ୍ରତିଶତ ଲୋକଙ୍କ ଆଖି ସବୁଜ। ସେମାନଙ୍କ ଆଖିରେ ମେଲାନିନ କମ ଥାଏ, ତେଣୁ ଏପରି ହୁଏ।
