ଟଙ୍କା ନୁହେଁ ଆମକୁ ନ୍ୟାୟ ଦରକାର: ପୀଡ଼ିତାଙ୍କ ପରିବାର
Rasmita Behera
କୋଲକାତା : ଆରଜି କର ମେଡିକାଲ କଲେଜ ଏବଂ ହସ୍ପିଟାଲ ବଳାତ୍କାର ଏବଂ ହତ୍ୟା ମାମଲାରେ, କୋଲକାତା ସେସନ୍ସ କୋର୍ଟ ସୋମବାର (୨୦ ଜାନୁଆରୀ, ୨୦୨୫) ଶେଷରେ ଦୋଷୀ ସଞ୍ଜୟ ରାୟଙ୍କୁ ଦଣ୍ଡାଦେଶ ଶୁଣାଇଲେ। ସପୂର୍ଣ୍ଣ ୫୯ ଦିନ ପରେ ବିଚାରପତି ଏହି ରାୟ ଦେଇଛନ୍ତି। ଏହି ମାମଲାର ଅଭିଯୁକ୍ତ ସଞ୍ଜୟ ରାୟଙ୍କୁ ସିଆଲଦା ସେସନ୍ସ କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ତଥାପି, ସଞ୍ଜୟ ରାୟ କହିଛନ୍ତି ଯେ ସେ କିଛି ଭୁଲ କରିନାହାଁନ୍ତି। ପୀଡିତାଙ୍କ ପରିବାରକୁ ୧୭ ଲକ୍ଷ ଟଙ୍କା କ୍ଷତିପୂରଣ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ଆରଜି କର ମାମଲାରେ, କୋର୍ଟ ଅଭିଯୁକ୍ତ ସଞ୍ଜୟ ରାୟଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ଏବଂ ତାଙ୍କ ଉପରେ ୫୦,୦୦୦ ଟଙ୍କା ଜରିମାନା କରିଛନ୍ତି। ଏହା ସହିତ ପୀଡିତାଙ୍କ ପରିବାରକୁ ୧୭ ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି। କିନ୍ତୁ ପରିବାର କହୁଛନ୍ତି ଯେ ସେମାନେ ଏପରି ଚାହାଁନ୍ତି ନାହିଁ। କ୍ଷତିପୂରଣ ଚାହୁଁନାହିଁ ବରଂ ନ୍ୟାୟ ଚାହୁଁଛି। ପୀଡିତାଙ୍କ ପରିବାର ଦୋଷୀକୁ ସର୍ବାଧିକ ଦଣ୍ଡ ଦେବାକୁ ଦାବି କରିଛନ୍ତି।
