ହାତୀର ମୃତଦେହ ଜବତ
Rasmita Behera
4064
ପାଟଣାଗଡ଼: ବଲାଙ୍ଗୀର ଜିଲ୍ଲା ପାଟଣାଗଡ଼ ରେଞ୍ଜ ଲରମ୍ଭା ସେକ୍ସନ ଗଡିଆଜୋର ଗାଁ ପାଖ ଜଙ୍ଗଲ ରାସ୍ତାରେ ଏକ ହାତୀର ମୃତଦେହ ପଡ଼ି ରହିଥିବାର ଦେଖିବାକୁ ମିଳିଛି ।ସୂଚନା ମୁତାବକ, ହାତୀଟି ଗଡିଆଜୋର ଗାଁ ପାଖ ଅଞ୍ଚଳରେ ବହୁ ଦିନୁ ବୁଲାବୁଲି କରୁଥିଲା । ହେଲେ କାହାର କୌଣସି ପ୍ରକାରର କ୍ଷତି କରି ନଥିଲା । ତେବେ ହଠାତ୍ ହାତୀଟି ଶନିବାର ଠାରୁ ମରି ଗଡିଆଜୋର ଗାଁ ପାଖ ଜଙ୍ଗଲ ରାସ୍ତାରେ ପଡ଼ି ରହିଥିବାର ଦେଖିବାକୁ ମିଳିଥିଲା । ଏନେଇ ବନ ବିଭାଗ ବିଳମ୍ୱରେ ଖବର ପାଇଥିଲା । ତେବେ ବର୍ତ୍ତମାନ ପର୍ୟ୍ୟନ୍ତ ହାତୀର ମୃତଦେହ ସତେଜ ରହିଥିବାର ଦେଖିବାକୁ ମିଳିଛି । ହାତୀଟିର ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ଏକ ହୃଷ୍ଟପୃଷ୍ଟ ହାତୀର ମୃତ୍ୟୁ ହଠାତ୍ କିଭଳି ହେଲା ସେନେଇ ଉଠୁଛି ପ୍ରଶ୍ନ । ଏନେଇ ଖବର ପାଇବା ପରେ ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀଟିର ମୃତଦେହ ଜବତ କରି ଘଟଣାର ତଦନ୍ତ ଚଳାଇଛି ।
