ଓଡ଼ିଶାରୁ ରପ୍ତାନୀ ହୋଇଛି ୧୮ ଲକ୍ଷ ମେଟ୍ରିକ ଟନ୍ ଲୁହାପଥର
Rasmita Behera
4510
ରାଜ୍ୟରେ ଲୁହାପଥର ରପ୍ତାନୀରୁ ଆଦାୟ ହେଉଥିବା ରାଜସ୍ୱକୁ ନେଇ ତଥ୍ୟ ଦେବାକୁ ସୌଭିକ ବିଶ୍ୱାଳ ଆଜି ଗୃହରେ ଲିଖିତ ପ୍ରଶ୍ନ କରିଥିଲେ । କେଉଁ ଦେଶକୁ କେତେ ଲୁହାପଥର ରପ୍ତାନୀ ହୋଇଛି ଓ କେତେ ରାଜସ୍ୱ ଆଦାୟ ହୋଇଛି ତାହାର ସବିଶେଷ ତଥ୍ୟ ଦେବାକୁ ପ୍ରଶ୍ନ କରିଥିଲେ ଚୌଦ୍ୱାର ବିଧାୟକ ସୌଭିକ ବିଶ୍ୱାଳ । ଲିଖିତ ଭାବରେ ଏହି ପ୍ରଶ୍ନର ଉତ୍ତର ରଖିଛନ୍ତି ଇସ୍ପାତ ଓ ଖଣି ମନ୍ତ୍ରୀ ବିଭୁତି ଭୂଷଣ ଜେନା । ବିଗତ ତିନି ବର୍ଷରେ ଲୁହାପଥର ରପ୍ତାନୀରୁ ୨୪ ଶହ ୧୮ କୋଟି ୮୫ ଲକ୍ଷ ରାଜସ୍ୱ ଆଦାୟ ହୋଇଛି । ୨୦୨୨-୨୩, ୨୦୨୩-୨୪ ଓ ୨୦୨୪-୨୫ର ୪ କୋଟି ୧୮ ଲକ୍ଷ ୭୯ ହଜାର ୫୦ ମେଟ୍ରିକ ଟନ ଲୁହା ପଥର ରପ୍ତାନି ହୋଇଛି । ଗତ ୨୦୨୨-୨୩ ଆର୍ଥିକ ବର୍ଷରେ ୩୧୨ କୋଟି ୮ ଲକ୍ଷ ଟଙ୍କା ରାଜସ୍ୱ ଆଦାୟ ହୋଇଛି । ସେହିଭଳି ୨୦୨୩-୨୪ରେ ୧ହଜାର ୮୬ କୋଟି ୯୬ ଲକ୍ଷ ରାଜସ୍ୱ ଆଦାୟ ହୋଇଛି । ଚଳିତ ବର୍ଷ ମାର୍ଚ୍ଚ ୧୦ ତାରିଖ ସୁଦ୍ଧା ଚାଇନାକୁ ରପ୍ତାନୀ ହେଉଥିବା ଲୁହାପଥରରୁ ୧ହଜାର ୧୯ କୋଟି ୮୦ ଲକ୍ଷ ରାଜସ୍ୱ ଆଦାୟ ହୋଇଛି ।
