ରାଜ୍ୟସ୍ତରୀୟ ବାୟୁ ଗୁଣବତ୍ତା ମନିଟରିଂ କମିଟି ବୈଠକ
Rasmita Behera
ଭୁବନେଶ୍ୱର : ଓଡ଼ିଶା ଦ୍ରୁତ ଆର୍ଥିକ ଅଭିବୃଦ୍ଧି, ସହରୀକରଣ ଏବଂ ଶିଳ୍ପାୟନ ଦେଇ ଗତି କରୁଛି । ସହରାଞ୍ଚଳରେ ଜନସଂଖ୍ୟା ବୃଦ୍ଧି ଯୋଗୁଁ ଗୃହ ଏବଂ ପରିବହନରେ ଉଲ୍ଲେଖନୀୟ ଅଭିବୃଦ୍ଧି ଘଟିଛି । ଯାହା ଫଳରେ ଯାନବାହାନ ଚଳାଚଳ, ରାସ୍ତା ଧୂଳି, ଘରୋଇ ରୋଷେଇ, ଅଳିଆ ଏବଂ ବାୟୋମାସ ପୋଡ଼ିବା ଏବଂ ବିଭିନ୍ନ ଉସôରୁ ପଳାୟନଶୀଳ ନିର୍ଗମନ ମାଧ୍ୟମରେ ବାୟୁ ପ୍ରଦୂଷଣ ବୃଦ୍ଧି ପାଇଛି । ଏହି ବାୟୁ ପ୍ରଦୂଷଣ ସମସ୍ୟାର ସମାଧାନ ପାଇଁ ଆଜି ଓଡ଼ିଶା ସରକାରଙ୍କ ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗର ଅତିରିକ୍ତ ମୁଖ୍ୟ ସଚିବ ସତ୍ୟବ୍ରତ ସାହୁଙ୍କ ଅଧ୍ୟକ୍ଷତାରେ ୯ମ ରାଜ୍ୟସ୍ତରୀୟ ବାୟୁ ଗୁଣବତ୍ତା ମନିଟରିଂ କମିଟି ବୈଠକ ଅନୁଷ୍ଠିତ ହୋଇଥିଲା । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସଦସ୍ୟ ସଚିବ ଡକ୍ଟର କେ. ମୁରୁଗେସନ, ପରିବେଶ ନିଦେ୍ର୍ଦଶକ ପ୍ରେମ କୁମାର ଝା, ରାଜ୍ୟ ପରିବହନ କମିଶନର ଅମିତାଭ ଠାକୁର, ଗୃହ ଏବଂ ନଗର ଉନ୍ନୟନ ବିଭାଗ, ଶିଳ୍ପ ବିଭାଗର ଅଧିକାରୀ ଏବଂ ଜିଲ୍ଲାସ୍ତରୀୟ ଅଧିକାରୀମାନେ ବୈଠକରେ ଉପସ୍ଥିତ ଥିଲେ ।
ବର୍ତ୍ତମାନ ଜାତୀୟ ସ୍ୱଚ୍ଛ ବାୟୁ କାର୍ଯ୍ୟକ୍ରମ ଅଧୀନରେ ଭୁବନେଶ୍ୱର, କଟକ, ରାଉରକେଲା, ଅନୁଗୁଳ, ତାଳଚେର, କଳିଙ୍ଗ ନଗର ଏବଂ ବାଲେଶ୍ୱର ଭଳି ସାତଟି ସହରରେ ବାୟୁ ଗୁଣବତ୍ତା ଉନ୍ନତି ପାଇଁ ଅନେକ କାର୍ଯ୍ୟକଳାପ କାର୍ଯ୍ୟକାରୀ ହେଉଛି । ଏକିୟୁଏମସି କମିଟି ସମ୍ବଲପୁର, ବ୍ରହ୍ମପୁର, ପୁରୀ, ପାରାଦୀପ, କେଉଁଝର, ଯୋଡା, ବଡ଼ବିଲ, ବୋଣାଇ, ରାଜଗାଙ୍ଗପୁର, ଝାରସୁଗୁଡ଼ା, ବ୍ରଜରାଜନଗର ଏବଂ ବେଲପାହାଡ଼ ଭଳି ୧୨ଟି ସହରରେ ରାଜ୍ୟ ସ୍ୱଚ୍ଛ ବାୟୁ କାର୍ଯ୍ୟକ୍ରମ ଆରମ୍ଭ କରିବାକୁ ନିଷ୍ପତ୍ତି ନେଇଛି ।
