ବିଧାୟକଙ୍କ ଦ୍ୱାରା ଏକାଧିକ ପ୍ରକଳ୍ପର ଶିଳାନ୍ୟାସ 

ବାଲେଶ୍ୱର : ବାଲେଶ୍ୱର ସଦର ବ୍ଲକ ଅନ୍ତର୍ଗତ କସିପଦା ପଂଚାୟତର ବିକାଶରେ ଏକ ନୂତନ ଫର୍ଦ୍ଦ ଯୋଡି ହୋଇଯାଇଛି । ଗୋଟିଏ ଦିନରେ ପଂଚାୟତରେ ୨୫ଲକ୍ଷରୁ ଊର୍ଦ୍ଧ୍ୱ ଟଙ୍କା ଖର୍ଚ୍ଚ ଅଟକଳରେ ବିଭିନ୍ନ ପ୍ରକଳ୍ପର ଶିଳାନ୍ୟାସ କରାଯାଇଛି । ସଦର ବିଧାୟକ ମାନସ କୁମାର ଦତ୍ତ ସମସ୍ତ ପ୍ରକଳ୍ପର ଶୁଭ ଭିତ୍ତିପ୍ରସ୍ତର ପ୍ରଦାନ କରିବା ସହିତ ସାଧାରଣ ଲୋକଙ୍କ ସେବାରେ ରାଜ୍ୟର ଲୋକଙ୍କ ସରକାର ସର୍ବଦା ସମର୍ପିତ ରହିଛି ବୋଲି କହିଥିଲେ । ଏହି ଅବସରରେ ସଦର ପଂଚାୟତ ସମିତି ପକ୍ଷରୁ ପ୍ରସ୍ତାବିତ କସିପଦା ପଂଚାୟତ ଅଧିନ ବରହମପୁର ଗ୍ରାମରେ ବିଧାୟକଙ୍କ ହାତ ପାଣ୍ଠି ଅନୁଦାନ ପ୍ରଦତ୍ତ ୩ଲକ୍ଷ ଟଙ୍କା ଖର୍ଚ୍ଚ ଅଟକଳରେ ସୋମନାଥ ହାତି ଦୋକାନ ଠାରୁ ଗୋପୀନାଥ ଦଳାଇ ଘର ପର୍ଯ୍ୟନ୍ତ ଗାର୍ଡ ୱାଲ ନିର୍ମାଣ ଓ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ଅନ୍ତର୍ଗତ ୫ଲକ୍ଷ ଟଙ୍କା ଖର୍ଚ୍ଚ ଅଟକଳରେ ଜାତୀୟ ରାଜପଥ ୬୦ରୁ ଚକ ଶ୍ମସାନ ପଦା ପର୍ଯ୍ୟନ୍ତ କଂକ୍ରିଟ ରାସ୍ତା ନିର୍ମାଣ, ତାହାରପୁର ଗ୍ରାମରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ଅନ୍ତର୍ଗତ ୨ଲକ୍ଷ ଟଙ୍କା ଖର୍ଚ୍ଚ ଅଟକଳରେ ତାହାରପୁର ସାମଜସେବା କଲ୍ୟାଣ ମଣ୍ଡପ, ଆଗରଗୋହିରା ଗ୍ରାମରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ଅନ୍ତର୍ଗତ ୩.୫୦ଲକ୍ଷ ଟଙ୍କା ଖର୍ଚ୍ଚ ଅଟକଳରେ କମଳାକାନ୍ତ ବେହେରା ଘର ଠାରୁ ଚନ୍ଦ୍ରଶେଖର ମହାଦେବ ମନ୍ଦିର ପର୍ଯ୍ୟନ୍ତ ଗାର୍ଡ ୱାଲ ନିର୍ମାଣ, ମିରିଗିମୁଣ୍ଡି ଗ୍ରାମରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ଅନ୍ତର୍ଗତ ୪ଲକ୍ଷ ଟଙ୍କା ଖର୍ଚ୍ଚ ଅଟକଳରେ ଭିମେଶ୍ୱର ମହାଦେବ ମନ୍ଦିର ନିର୍ମାଣ ଓ ୪ଲକ୍ଷ ଟଙ୍କା ଖର୍ଚ୍ଚ ଅଟକଳରେ ବାଣିଶ୍ରୀ ଯୁବକ ସଂଘର ଗୃହ ନିର୍ମାଣ, ତରଳବରହମପୁର ଗ୍ରାମରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ଅନ୍ତର୍ଗତ ୪ଲକ୍ଷ ଟଙ୍କା ଖର୍ଚ୍ଚ ଅଟକଳରେ ତଳବରହମପୁର କମୁ୍ୟନିଟି ସେଂଟର ନିର୍ମାଣ ପ୍ରଭୃତି ପ୍ରକଳ୍ପର ବିଧାୟକ ଶ୍ରୀ ଦତ୍ତ ଶିଳାନ୍ୟାସ କରିଥିଲେ । ସମସ୍ତ ପ୍ରକଳ୍ପ କାର୍ଯ୍ୟର ଗୁଣବତ୍ତା ରକ୍ଷା ସହିତ ସେଗୁଡିକୁ ଯୋଜନାବଦ୍ଧ ଭାବେ ଧାର୍ଯ୍ୟ ସମୟସୀମା ମଧ୍ୟରେ ସାରିବାକୁ ବିଭାଗୀୟ ଅଧିକାରୀଙ୍କୁ ସେ ନିଦେ୍ର୍ଦଶ ଦେଇଥିଲେ । ବିଭାଗୀୟ ଅଧିକାରୀଙ୍କ ସହ ଅନ୍ୟମାନଙ୍କ ମଧ୍ୟରେ ଗଙ୍ଗାଧର ରାଉତ, ହରେନ୍ଦ୍ର ପ୍ରଧାନ, କାର୍ତ୍ତିକ ପ୍ରଧାନ, ତପନ କୁମାର ଗିରି, ଅନ୍ତର୍ଯ୍ୟାମୀ ବେହେରା, ଶ୍ରୀଧର ବେହେରା, ଚତ୍ରଭୂଜ ବେହେରା, ସୁଭେଶ ନାୟକ, ମୃତୁ୍ୟଞ୍ଜୟ ଦଳେଇ, ଗୌତମ ବେହେରା, ସୃତିଧର ସେନାପତି, ଜନ୍ମେଜୟ ପରିଡା, କାଳୀଚରଣ ବେହେରା ପ୍ରମୁଖ ଉପସ୍ଥିତ ଥିଲେ ।