ଆଣ୍ଠୁ ଯନ୍ତ୍ରଣାରୁ ଦିଏ ମୁକ୍ତି ବଢାଏ ଶକ୍ତି

ରୋଷେଇ ଘରର ମୂଲ୍ୟବାନ ମସଲା ମାନଙ୍କ ମଧ୍ୟରୁ ଅଦା ହେଉଛି ଏକ  ପ୍ରମୁଖ ମସଲା ।  ନିରାମିସ ତରକାରୀ ହେଉ କି ଆମିଶ ସବୁଥିରେ ଲୋଡା ପଡିଥାଏ ଅଦା । ଖାଲି ତରକାରୀରେ ମସଲା ଭାବେ ବ୍ୟବହାର କରାଯାଇନଥାଏ  ଅଦାକୁ  ବରଂ ଅଦାର ଅନେକ ଔଷଧିୟ ଗୁଣ ଅଛି । ସାଧାରଣତଃ ଯଦି କେବେ ଆମର ପେଟ କାଟେ ସେତେବେଳେ ମା’ କି  ଜେଜେ  ମା ସାଙ୍ଗେ  ସାଙ୍ଗେ କହିଥାନ୍ତି  ଟିକେ ଅଦାକୁ ଲୁଣ ସହ ଚୋବାଇ ଦେ ଭଲ ହୋଇଯିବ । ଏହା  ପ୍ରାୟତଃ  ସମସ୍ତିଙ୍କ କ୍ଷେତ୍ରରେ ଘଟିଥିବ । ପେଟ ଯନ୍ତ୍ରଣାରୁ ମଧ୍ୟ ଆରାମ ମିଳିଥାଏ ।  କାହିଁ କେଉଁ ଯୁଗରୁ  ଆୟୁର୍ବେଦ ଏବଂ ଘରୋଇ ଉପଚାରରେ ଅଦାକୁ ବ୍ୟବହାର କରାଯାଇ ଆସୁଛି । ଅଦାର ଔଷଧିୟ ଗୁଣ  ପ୍ରାୟତଃ ସମସ୍ତଙ୍କୁ ଜଣା । କିନ୍ତୁ ଯଦି ଆମେ ଅଦାକୁ ଭାଜିକି ଖାଇବା ତେବେ ଏହାର ଔଷଧିୟ ଗୁଣ ଆହୁରି ବଢିଯାଇଥାଏ ।  ଆଜ୍ଞା ହଁ ଭଜା ଅଦାର ଚମକ୍ରାରିତା ଗୁଣ ଶୁଣିଲେ ଆପଣ ବି ଆଶ୍ଚର୍ଯ୍ୟ ହେବେ ।  ଅଦାକୁ ଭାଜିକି ଖାଇିବା ଦ୍ୱାରା ଶରୀରକୁ ଅନେକ ଲାଭ ମିଳିଥାଏ । ଏହା କେବଳ ଶରୀରକୁ ରୋଗରୁ ରକ୍ଷା କରିଥାଏ ତାହା ନୁହେଁ ବରଂ ଆପଣଙ୍କ ଶରୀରକୁ ପ୍ରାକୃତିକ  ରୁପରେ ମଜଭୁତ କରିଥାଏ ଏବଂ ଶକ୍ତିଶାଳୀ କରିଥାଏ । ତେବେ ଆସନ୍ତୁ ଜାଣିବା  ଭଜା ଅଦା ଖାଇବା ଦ୍ୱାରା କଣ କଣ  ଲାଭ ମିଳିଥାଏ । 

ହଜମ ପ୍ରକ୍ରିୟାରେ ଉନ୍ନତି : ଭଜା ଅଦା  ହଜମ  ପାଇଁ  ଖୁବ୍ ଲାଭଦାୟକ । ଏହା ପେଟର ଗ୍ୟାସ, ଏସିଡିଟି ଏବଂ ହଜମ ଜନିତ ସମସ୍ୟା  ଦୂର କରିଥାଏ । ଅଦାରେ ଥିବା ଜିଞ୍ଜରୋଲ ଏବଂ ଶୋଗଲ ନାମକ  ଯୌଗିକ  ଆମର ହଜମ ଏନଜାଇମକୁ ସକ୍ରିୟ କରିଥାଏ, ଯେଉଁ କାରଣରୁ ଖାଦ୍ୟ ଶୀଘ୍ର ଏବଂ ସଠିକ୍ ଭାବରେ ହଜମ  ହୋଇଥାଏ । 

ଇମ୍ୟୁନ ସିଷ୍ଟମକୁ ମଜଭତ  କରିଥାଏ  : ଅଦାରେ ଆଣ୍ଟିଅକ୍ସିଡେଣ୍ଟ ଏବଂ ଆଣ୍ଟି- ଇନ୍‌ଫ୍ଲାମେଟୋରୀ ଗୁଣ ମିଳିଥାଏ । ଯାହା ଇମ୍ୟୁନ ସିଷ୍ଟମକୁ ମଜଭୁତ କରିବାରେ ସହାୟତା କରିଥାଏ । ଭଜା ଅଦା ଖାଇବା ଦ୍ୱାରା  ଥଣ୍ଡା-କାଶ, ଗଳା ଯନ୍ତ୍ରଣାରୁ ମୁକ୍ତି ମିଳିଥାଏ । ଏଥିସହିତଶରୀରକୁ ରୋଗ ସହ ଲଢିବା ପାଇଁ ଶକ୍ତି ଦେଇଥାଏ । ଆଣ୍ଠୁ ଗଣ୍ଠି ଏବଂ ଅନ୍ୟାନ୍ୟ ଯନ୍ତ୍ରଣାରୁ ଆରାମ ଦେଇଥାଏ  ଭଜା ଅଦା । ଦରଜ କମ କରିଥାଏ ଭଜା ଅଦା ।  
 

ଅଦାରେ  ପ୍ରାକୃତିକ ଭାବରେ  ସୁଗାର କୁ ନିୟନ୍ତ୍ରଣ କରିବାର କ୍ଷମତା ରହିଥାଏ । ଭଜା ଅଦାର ନିୟମିତ ସେବନ  ଶରୀରରେ ଇନସୁଲିନ୍ ର କାର୍ଯ୍ୟକ୍ଷମତାକୁ ସୁଧାରିଥାଏ ଏବଂ ବ୍ଲଡ ସୁଗାର ଲେବଲକୁ  ସ୍ଥିର  ରଖିଥାଏ । ମେଟାବୋଲିଜିମ୍ କୁ ବୃଦ୍ଧି  କରିବାରେ ସାହାଯ୍ୟ କରିଥାଏ ଅଦା । ଅଦାକୁ ଭାଜିକରି ଖାଇବା ଦ୍ୱାରା ଓଜନ କମିବା ପ୍ରକ୍ରିୟା  ଦୃତ ହୋଇଯାଇଥାଏ ।  ଏହା ଭୋକକୁ ନିୟନ୍ତ୍ରର କରିଥାଏ । 
 ଭଜା ଅଦା ହୃଦ ରୋଗରୁ ରକ୍ଷା କରିଥାଏ ।  ଏହା ଖରାପ କୋଲେଷ୍ଟ୍ରାଲ କୁ  କମ କରିଥାଏ  ଏବଂ ବ୍ଲଡ ସର୍କୁଲେଶନକୁ ରେ ଉନ୍ନତି  ଆଣିଥାଏ । ଯାହାଦ୍ୱାରା ହାର୍ଟ ସୁସ୍ଥ ରହିଥାଏ । 

 ଚିନ୍ତାରୁ  ମୁକ୍ତି: ଅଦା ସେବନ ଦ୍ୱାରା  ମାନସିକ  ଚାପ  ଏବଂ ଚିନ୍ତା କମ ହୋଇଥାଏ ।  ଭଜା ହୋଇଥିବା ଅଦା  ମସ୍ତିସ୍କକୁ ଉତ୍ତମ କରିଥାଏ  ଏବଂ  ମୁଡ୍ କୁ ସ୍ଥିର କରିବାରେ ସହାୟକ ହୋଇଥାଏ  । 

ଭଜା ଅଦାକୁ ଖାଇବାର ମାଧ୍ୟମ: ପ୍ରଥମେ ଅଦାକୁ  ଛୋଟ ଛୋଟ କରି  କରି କାଟି ଦିଅନ୍ତୁ । କଟା ହୋଇଥିବା  ଅଦାକୁ କମ୍ ଆଞ୍ଚରେ ଭାଜନ୍ତୁ,  ଏହାର ରଙ୍ଗ ହାଲୁକା ବାଦାମୀ  ହେବା ଯାଏଁ ଭାଜନ୍ତୁ ।  ପରେ ଏହାକୁ ତଣ୍ଡା କରି   ସିଧା ଖାଇପାରିବେ ଅଥବା ଚା ରେ ପକାଇ ଏହାର ସେବନ କରିପାରିବେ । ଅଧିକ ମାତ୍ରାରେ ଅଦାର ସେବନ କରିବା ଦ୍ୱାରା  ପେଟରେ ଜ୍ୱଳନ  ସୃଷ୍ଟି ହୋଇଥାଏ ।  ଗର୍ଭବତୀ ମହିଳା ଏବଂ ଗମ୍ଭୀର ସ୍ୱାସ୍ଥ୍ୟଗତ ସମସ୍ୟାରେ  ପୀଡିତ  ଥିବା  ବ୍ୟକ୍ତି ଭଜା ଅଦାର ସେବନ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନିଅନ୍ତୁ ।