ବିତୁଛି ସମୟ ହେଲେ ଆସୁନି ପାସପୋର୍ଟ : ଆବେଦନର ୧୦ ମାସ ପରେ ବି ପ୍ରକ୍ରିୟାରେ ଅଟକିଛି
Rasmita Behera
ସମ୍ବଲପୁର : ବର୍ଷେ ବିତି ଗଲା ହେଲେ ପାସପୋର୍ଟ ଟିଏ ହୋଇପାରିଲାନି । ଗତବର୍ଷ ମାର୍ଚ୍ଚ ୨୫ ତାରିଖରେ ସମ୍ବଲପୁର ପାସପୋର୍ଟ ସେବା କେନ୍ଦ୍ରରେ ଆବେଦନ କରିଥିଲେ ଶ୍ୟାମସୁନ୍ଦର ଦାଶ । ପ୍ରାୟ ଏକ ବର୍ଷ ବିତିଯାଇଥିଲେ ମଧ୍ୟ ତାଙ୍କୁ ପାସପୋର୍ଟ ତ ମିଳିନାହିଁ । ଏଭଳି ସ୍ଥିତିରେ ସମ୍ବଲପୁରରେ ପାସପୋର୍ଟ ସେବା କେନ୍ଦ୍ର କାହା ଉଦେ୍ଦଶ୍ୟରେ ସ୍ଥାପନ କରାଯାଇଛି ତାକୁ ନେଇ ପ୍ରଶ୍ନ ଉଠିଛି । କେବଳ ଶ୍ୟାମସୁନ୍ଦର ନୁହନ୍ତି, ଏଭଳି ଆହୁରି ଅନେକ ଆବେଦକଙ୍କର ଆବେଦନ ମାସ-ମାସ ଧରି ପଡ଼ି ରହିଛି । ପାସପୋର୍ଟ ଆବେଦନର ୬ ମାସ ପରେ ବି କୌଣସି ପ୍ରକ୍ରିୟା ଆରମ୍ଭ ନ ହେବାରୁ ଏହା ନେଇ ଭୁବନେଶ୍ୱର ପାସପୋର୍ଟ କାର୍ଯ୍ୟାଳୟରେ ଜଣାଇଥିଲେ ଶ୍ୟାମସୁନ୍ଦର । ପରେ ଜାଣିବାକୁ ପାଇଥିଲେ ବାୟୋମେଟ୍ରିକ ବିବରଣୀ ମେଳ ଖାଉନାହିଁ । ଫେବୃଆରି ୩ ତାରିଖରେ ସଫଳତାର ସହ ବାୟୋମେଟ୍ରିକ ସମ୍ପୂର୍ଣ୍ଣ କରିଥିଲେ । ସେତେବେଳେ କୁହାଯାଇଥିଲା ଯେ ଏକ ସପ୍ତାହ ମଧ୍ୟରେ ପାସପୋର୍ଟ ମିଳିଯିବ । କିନ୍ତୁ କୌଣସି ଅପ୍ଡେଟୁ ଆସିଲା ନାହିଁ । ଏହାପରେ ପୁନଃ ଅଭିଯୋଗ ମେଲ୍ କରିଥିଲେ ମଧ୍ୟ କୌଣସି ଉତ୍ତର ଆସି ନଥିଲା । ଫୋନରେ ଅଭିଯୋଗ କରିବାପରେ ଜାଣିବାକୁ ପାଇଲେ ଯେ ବାୟୋମେଟ୍ରିକ ଡାଟା ସଫଳତାର ସହ ପୁନଃ କ୍ୟାପଚର୍ ହୋଇଛି, କିନ୍ତୁ ତାଙ୍କ ପାସପୋର୍ଟ ଏପର୍ଯ୍ୟନ୍ତ ବିଚାରାଧିନ ରହିଛି । ଏହା ସହ ବ୍ୟକ୍ତିଗତ ଭାବେ ଭୁବନେଶ୍ୱର ଆସିବାକୁ ମଧ୍ୟ କୁହାଯାଇଥିଲା । ତେବେ ଏଠି ପ୍ରଶ୍ନ ଉଠୁଛି, ଯଦି ପଶ୍ଚିମ ଓଡ଼ିଶାର ନାଗରିକଙ୍କୁ ସରଳ ପାସପୋର୍ଟ ସମ୍ବନ୍ଧରେ ଜାଣିବା ପାଇଁ ପ୍ରତିଥର ଭୁବନେଶ୍ୱର ଯିବାକୁ ପଡ଼େ, ତେବେ ସମ୍ବଲପୁରରେ ପାସପୋର୍ଟ ସେବା କେନ୍ଦ୍ର ରହିବାର ଉଦେ୍ଦଶ୍ୟ କ’ଣ? ସୂଚନା ଯୋଗ୍ୟ, ଏକ ଜରୁରୀ କାମରେ ବାହାରକୁ ଯିବା ପାଇଁ ସେ ଏହି ପାସପୋର୍ଟ ଆବେଦନ କରିଥିଲେ । କିନ୍ତୁ ଏହା ଆସିବାରେ ଏତେ ବିଳମ୍ବ ହେଉଛି ଯେ, ସେ ଆଉ ଯାଇପାରେବେ କି ନାହିଁ ସନେ୍ଦହରେ । କେବଳ ସେ ନୁନ୍ତି ଫାଠ ଏବଂ ଚାକିରି ପାଇଁ ଆବେଦନ କରୁଥିବା ଲୋକ ମଧ୍ୟ ସମାନ ଭାବେିରାଣ ହେଉଛନ୍ତି ।
