୨୫ରେ ଶାହା, ୨୯ରେ ମୋଦି
Rasmita Behera
4108
ଭୁବନେଶ୍ୱର : ଆସନ୍ତା ୨୫ରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଓଡ଼ିଶା ଆସିବେ । ସେଦିନ ସେ ୪ ସ୍ଥାନରେ ସଭା କରିବେ । ବାରିପଦା, ଚାନ୍ଦବାଲି, କୋରେଇ ଓ ନିମାପଡ଼ାରେ ସେ ପ୍ରଚାର କରିବେ । ସେହିପରି ଆସନ୍ତା ୨୯ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାଜ୍ୟ ବିଜେପି ପ୍ରଭାରୀ ବିଜୟ ପାଲ ସିଂ ତୋମାର ଏହି ସୂଚନା ଦେଇଛନ୍ତି । ପ୍ରଧାନମନ୍ତ୍ରୀଙ୍କର ଏହା ହେବ ଓଡ଼ିଶାରେ ଶେଷ ନିର୍ବାଚନ ପ୍ରଚାର । ସେହିଦିନ ମୋଦି କେନ୍ଦ୍ରାପଡ଼ାରେ ସାଂସଦ ବୈଜୟନ୍ତ ପଣ୍ଡାଙ୍କ ପ୍ରଚାର କରିବେ । ଏହାଛଡ଼ା ବାଲେଶ୍ୱରରେ ବି ପ୍ରଧାନମନ୍ତ୍ରୀ ପ୍ରଚାର କରିବେ ବୋଲି ସୂଚନା ମିଳିଛି । ବାଲେଶ୍ୱରରୁ ପ୍ରତାପ ଚନ୍ଦ୍ର ଷଡ଼ଙ୍ଗୀ ନିର୍ବାଚନ ଲଢୁଛନ୍ତି । ମୋଦିଙ୍କ ଗସ୍ତକୁ ନେଇ ବିଜେପି ଶିବିର ଉତ୍ସାହିତ ହୋଇଯାଇଛି । ଚଳିତ ନିର୍ବାଚନରେ କେନ୍ଦ୍ରୀୟ ବିଜେପି ନେତାମାନେ ଓଡ଼ିଶା ଉପରେ ବେଶୀ ଫୋକସ କରିଛନ୍ତି ।
