ଓଡ଼ିଶା ପାଇଁ ରାଜନାଥ, ଭୂପେନ୍ଦ୍ର ପର୍ୟ୍ୟବେକ୍ଷକ ନିଯୁକ୍ତ
ଭୁବନେଶ୍ୱର: ଚଳିତ ନିର୍ବାଚନରେ ଓଡ଼ିଶାରେ ବିଜେପି ସ୍ପଷ୍ଟ ବହୁମତ ହାସଲ କରିଛି। ୨୫ବର୍ଷ ବିଜେଡି ସରକାରକୁ ଧୂଳି ଚଟାଇ ଦଳ ୧୪୭ ବିଧାନସଭା ଆସନରୁ ବିଜେପି ୭୮ ଆସନରେ ହାତେଇବାରେ ସକ୍ଷମ ହୋଇଛି। ମାତ୍ର ଓଡ଼ିଶାରେ କିଏ ହେବ ମୁଖ୍ୟମନ୍ତ୍ରୀ ତାକୁ ନେଇ ହଟୁନି ସସପେନ୍ସ। ଏହା ଉପରୁ ଖୁବ୍ ଶୀଘ୍ର ପରଦା ହଟାଇବା ପାଇଁ କେନ୍ଦ୍ର ମନ୍ତ୍ରୀ ରାଜନାଥ ସିଂହ ଓ ବରିଷ୍ଠ ବିଜେପି ନେତା ଭୁପେନ୍ଦ୍ର ଯାଦବଙ୍କୁ ପର୍ୟ୍ୟବେକ୍ଷକ ଭାବେ ନିଯୁକ୍ତି କରିଛି ବିଜେପି ସଂସଦୀୟ ବୋର୍ଡ।
ରାଜନାଥ ଓ ଭୁପେନ୍ଦ୍ର ଓଡ଼ିଶାରେ ପହଞ୍ଚିବା ପରେ ଆସନ୍ତାକାଲି ବିଧାୟକ ଦଳର ବୈଠକ ବସିବ। ଏହାପରେ ନୂଆ ମୁଖ୍ୟମନ୍ତ୍ରୀ ନାମ ଘୋଷଣା ହେବ ବୋଲି ଜଣାଯାଇଛି।ଆସନ୍ତାକାଲି ବିଧାୟକ ଦଳ ବୈଠକ ବସିବ। ସେଠାରେ ନବନିର୍ବାଚିତ ବିଜେପି ବିଧାୟକଙ୍କ ସହ ଆଲୋଚନା କରିବେ ବିଜେପିର ଦୁଇ କେନ୍ଦ୍ରୀୟ ପର୍ୟ୍ୟବେକ୍ଷକ। କିଏ ହେବେ ବିଧାୟକ ଦଳ ନେତା ତଥା ରାଜ୍ୟର ପ୍ରଥମ ବିଜେପି ମୁଖ୍ୟମନ୍ତ୍ରୀ ସେନେଇ ନାଁ ଚୂଡ଼ାନ୍ତ ହେବ। ଆସନ୍ତା ୧୨ ତାରିଖରେ ଜନତା ମୈଦାନରେ ନୂଆ ମୁଖ୍ୟମନ୍ତ୍ରୀ ଶପଥ ନେବେ।