ନିର୍ବାଚନୀ ରାଲି ମଝିରେ ନିଜ ମୁଣ୍ଡରେ ପାଣି ଢ଼ାଳିଲେ ରାହୁଲ ଗାନ୍ଧି
Rasmita Behera
ସହି ହେଲାନି ଅସହ୍ୟ ଗରମ। ରାଲି ମଝିରେ ନିଜ ମୁଣ୍ଡରେ ପାଣି ଢ଼ାଳିଲେ କଂଗ୍ରେସ ସାଂସଦ ତଥା ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି। ଏହାକୁ ନେଇ ରାଗି ଯାଇଛନ୍ତି ଆଚାର୍ଯ୍ୟ ପ୍ରମୋଦ କୃଷ୍ଣମ୍। ସେ ଓ୍ୱାୟନାଡ୍ ସାଂସଦଙ୍କୁ ଟାର୍ଗେଟ୍ କରିଛନ୍ତି।
ମଙ୍ଗଳବାର ୟୁପିର ଦେଓରିଆରେ ପହଞ୍ଚି ଏକ ନିର୍ବାଚନୀ ରାଲିକୁ ସମ୍ବୋଧିତ କରିଥିଲେ ରାହୁଲ ଗାନ୍ଧି। ତେବେ ମଞ୍ଚ ଉପରେ ଭାଷଣ ସମୟରେ ଅସହ୍ୟ ଗରମ ଯୋଗୁ ସେ ଅସ୍ତବ୍ୟସ୍ତ ହୋଇ ପଡିଥିଲେ। ଏହାପରେ ପାଖରେ ରଖାଯାଇଥିବା ଏକ ବୋତଲରୁ ପାଣି ଆଣି ନିଜ ମୁଣ୍ଡ ଉପରେ ଢ଼ାଳି ଦେଇଥିଲେ। ଏହାଦେଖି ଉପସ୍ଥିତ ଦର୍ଶକମାନେ ତାଳି ମାରିବା ଆରମ୍ଭ କରିଥିଲେ। ରାହୁଲ ଗାନ୍ଧିଙ୍କ ଏହି ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
ସେ ଆହୁରି କହିଛନ୍ତି, 'ଯେଉଁ ବ୍ୟକ୍ତି ନିଜର ଅଇଁଠା ପାଣିକୁ ନିଜ ମୁଣ୍ଡ ଉପରେ ଢ଼ାଳନ୍ତି ନାହିଁ ବୋଲି ଜାଣନ୍ତି ନାହିଁ, ସେହି ମୋଦିଙ୍କ ବିରୋଧରେ ଟିପ୍ପଣୀ କରନ୍ତି। ପ୍ରକୃତ କଥା ହେଉଛି ରାହୁଲ ଗାନ୍ଧିଙ୍କୁ ଭାରତର ସଂସ୍କୃତି, ସଭ୍ୟତା ଏବଂ ପରମ୍ପରା ବିଷୟରେ ଜଣା ନାହିଁ। ବିଦେଶୀ ପରିବେଶରେ ବଢ଼ିଥିବା ରାହୁଲ ଗାନ୍ଧିଙ୍କୁ ପ୍ରଥମେ ଭାରତକୁ ଜାଣିବାକୁ ହେବ। ଏହା ପରେ ସେ ଭାରତର ପ୍ରଧାନମନ୍ତ୍ରୀଙ୍କ ଉପରେ କହିବାକୁ ଚେଷ୍ଟା କରିବା ଉଚିତ୍।'
