ବ୍ରହ୍ମବରଦା +୨ କଲେଜର ସଫଳତା
Rasmita Behera
ବ୍ରହ୍ମବରଦା: ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ବାର୍ଷିକ +୨ ପରୀକ୍ଷାରେ ବ୍ରହ୍ମବରଦା ଉଚ୍ଚ ମାଧ୍ୟମିକ ବିଦ୍ୟାଳୟ ଛାତ୍ରଛାତ୍ରୀ ସତ ପ୍ରତିଶତ କୃତକାର୍ଯ୍ୟ ହୋଇଛନ୍ତି । ଚଳିତ ବର୍ଷ ବିଦ୍ୟାଳୟରେ କଳାରେ ୩୧୬ ଜଣ, ବାଣିଜ୍ୟରେ ୯୭ ଓ ବିଜ୍ଞାନରେ ୧୦୦ ଜଣଙ୍କୁ ମିଶାଇ ମୋଟ ୫୧୬ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥି ମଧ୍ୟରୁ କଳାରେ ୨୦ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ, ୩୫ ଜଣ ଦ୍ୱିତୀୟ ଓ ଅବଶିଷ୍ଟ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି । ବାଣିଜ୍ୟରେ ପ୍ରଥମ ଶ୍ରେଣିରେ ୨୦ ଜଣ ଉତ୍ତୀର୍ଣ୍ଣ ହୋଇଥିବା ବେଳେ, ୧୪ ଜଣ ଦ୍ୱିତୀୟ ଓ ଅବଶିଷ୍ଟ ତୃତୀୟ ଶ୍ରେଣିରେ ଉତ୍ତୀର୍ଣ୍ଣ ହୋଇଛନ୍ତି । ସେହିପରି ବିଜ୍ଞାନରେ ପ୍ରଥମ ଶ୍ରେଣୀରେ ୮ ଜଣ ଉତ୍ତୀର୍ଣ୍ଣ ହୋଇଥିବା ବେଳେ, ୪୮ ଜଣ ଦ୍ୱିତୀୟ ଓ ବାକି ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି । ସଫିଆ ଶେଖ ୪୯୮ ନମ୍ବର (୮୩%) ରଖି କଳାରେ କଲେଜ ଟପର ହୋଇଥିବାବେଳେ, ସୁପ୍ରଭା ବେହେରା ୪୮୮ ନମ୍ବର (୮୧. ୩୩%) ରଖି ବାଣିଜ୍ୟରେ ଟପର ହୋଇଛନ୍ତି । ସେହିପରି ପ୍ରୀତିପ୍ରସାଦ ମହାନ୍ତି ୪୩୧ ନମ୍ବର (୭୧.୮୩%)ରଖି ବିଜ୍ଞାନରେ ଟପର ହୋଇଛନ୍ତି ।
