ମୋବାଇଲ ଚୋରକୁ ବାନ୍ଧି ପୁଲିସରେ ଦେଲେ ଗ୍ରାମବାସୀ
Rasmita Behera
5601
ାା ପ୍ରଭାନୁ୍ୟଜ ।ା ଦାନଗଦୀ: ଦାନଗଦୀ ଆଖପାଖ ଅଞ୍ଚଳରେ ଗତ କିଛି ଦିନ ହେବ ମୋବାଇଲ ଚୋରୀ ବଢିଯାଇଛି । ବାରମ୍ବାର ଅଭିଯୋଗ କଲେ ସୁଦ୍ଧା ପୁଲିସ ଚୋରଙ୍କୁ ଧରିବାରେ ବିଫଳ ହେଉଥିବା ବେଳେ ଗତକାଲି ବିଳମ୍ବିତ ରାତ୍ରୀରେ ଧୂଳିଗଡ଼ ଗାଁରେ ତିନି ଜଣ ମୋବାଇଲ ଚୋର ଲୋକଙ୍କ ଘର ଝରକା ବାଟେ ମୋବାଇଲ ଚୋରି କରୁଥିବା ବେଳେ ଜଣେ ଧରା ପଡ଼ିଥିବା ବେଳେ ଅନ୍ୟ ମାନେ ଦୌଡି ପଳାଇଥିଲେ । ଧୂଳିଗଡ଼ ଗାଁର ସଞ୍ଜୟ କୁମାର ବାରିକଙ୍କ ଘରେ ଚୋରି କରୁଥିବା ସମୟରେ ଧରା ପଡ଼ିଥିବା ଚୋର ସ୍ଥାନୀୟ ଗୋପାଳପୁର କଲୋନୀର ଭୀମ ସୋରେନଙ୍କ ପୁଅ ମଙ୍ଗଳା ( ୩୫) ବୋଲି ଜଣାପଡ଼ିଥିବା ବେଳେ ତା ସାଙ୍ଗରେ ଆସି ଗୋଟେ ମୋବାଇଲ ଚୋରି କରି ନେଇ ପଳାଇଥିବା ଯୁବକ ରାଜା, ପେଟୁ ବୋଲି ସେ କହୁଛି । ଖୋଲାଥିବା ଝରକା ବାଟେ ସେମାନେ ଏକ ବାଡ଼ିରେ ମଶାରୀ ଜାଲ ବାନ୍ଧି କୌଶଳ କ୍ରମେ ମୋବାଇଲ, ମନିପର୍ସ, ଘଣ୍ଟା ଆଦି ଚୋରୀ କରି ନେଇଥାନ୍ତି । ଚୋରକୁ ଗ୍ରାମବାସୀ ବାନ୍ଧି ସେ ମୋବାଇଲଧରା ଯନ୍ତ୍ର ସହ ପୁଲିସରେ ଜିମା ଦେଇଥିବା ଜଣାପଡିଛି ।
