ୟୁନିଭର୍ସାଲ ପୋଷ୍ଟାଲ କଂଗ୍ରେସ : ଐତିହାସିକ ୟୁପିଆଇ-ୟୁପିୟୁ ଏକୀକରଣର ଶୁଭାରମ୍ଭ କଲେ ସିନ୍ଧିଆ

 ନୂଆଦିଲ୍ଲୀ/ଭୁବନେଶ୍ୱର : କେନ୍ଦ୍ରୀୟ ଯୋଗାଯୋଗ ଓ ଉତ୍ତର-ପୂର୍ବ କ୍ଷେତ୍ରର ବିକାଶ ମନ୍ତ୍ରୀ ଜ୍ୟୋତିରାଦିତ୍ୟ ଏମ୍. ସିନ୍ଧିଆ ଆଜି ଦୁବାଇରେ ଆୟୋଜିତ ୨୮ତମ ୟୁନିଭର୍ସାଲ୍ ପୋଷ୍ଟାଲ୍ କଂଗ୍ରେସରେ ୟୁପିଆଇ-ୟୁପିୟୁ ସମନ୍ୱୟ ପ୍ରକଳ୍ପର ଶୁଭାରମ୍ଭ କରିଛନ୍ତି । ଏହି ପଦକ୍ଷେପ ଲକ୍ଷ-ଲକ୍ଷ ଲୋକଙ୍କ ମଧ୍ୟରେ ସୀମାପାର ଦେଣନେଣ  କରିବା ପାଇଁ ଏକ ଐତିହାସିକ ପଦକ୍ଷେପ । ଡାକ ବିଭାଗ (ଡିଠପି), ଏନ୍ପିସିଆଇ ଇଣ୍ଟରନ୍ୟାସନାଲ୍ ପେମେଣ୍ଟ୍ସ ଲିମିଟେଡ୍ (ଏନଆଇପିଏଲ) ଏବଂ ୟୁନିଭର୍ସାଲ୍ ପୋଷ୍ଟାଲ୍ ୟୁନିଅନ୍ (ୟୁପିୟୁ) ଦ୍ୱାରା ବିକଶିତ ଏହି ପଦକ୍ଷେପ, ଭାରତର ୟୁନିଫାଏଡ୍ ପେମେଣ୍ଟ୍ସ ଇଣ୍ଟରଫେସ୍ (ୟୁପିଆଇ)କୁ ୟୁପିୟୁ ଇଣ୍ଟରକନେକ୍ସନ୍ ପ୍ଲାଟଫର୍ମ (ଆଇପି) ସହିତ ସଂଯୁକ୍ତ କରିବ  । ଏହାଦ୍ୱାରା ପୋଷ୍ଟାଲ୍ ନେଟୱାର୍କରେ ୟୁପିଆଇର ପହଞ୍ଚ ଦ୍ରୁତ ଓ ସୁଲଭ ହେବ  । ଏହା କେବଳ ଏକ ପ୍ରଯୁକ୍ତିର ଆରମ୍ଭ ନୁହେଁ, ବରଂ ଏକ ସାମାଜିକ ଅନୁବନ୍ଧ  ବୋଲି ଶ୍ରୀ ସିନ୍ଧିଆ କହିଛନ୍ତି । ସେ କହିଛନ୍ତି, "ଡାକ ନେଟୱାର୍କର ନିର୍ଭରତା ସହ ୟୁପିଆଇର ଦ୍ରୁତଗତିର ମିଳିତ ଅର୍ଥ ହେଉଛି, ବିଦେଶରେ ଥିବା ପରିବାରଗୁଡ଼ିକ ଏବେ ଅଧିକ ଶୀଘ୍ର, ସୁରକ୍ଷିତ ଓ ଅତ୍ୟଳ୍ପ ଖର୍ଚ୍ଚରେ ଟଙ୍କା ପଠାଇପାରିବେ । ଏକ ଆଧୁନିକ, ସମାବେଶୀ ଡାକ କ୍ଷେତ୍ର ପାଇଁ ସେ ଚାରୋଟି କ୍ରିୟାରେ ସଂଲଗ୍ନ ଭାରତର ଦୃଷ୍ଟିକୋଣକୁ ଉଲ୍ଲେଖ କରିଛନ୍ତି । "ନିରବଚ୍ଛିନ୍ନ ଡାଟା-ଚାଳିତ ଲଜିଷ୍ଟିକ୍ସ ମାଧ୍ୟମରେ ସଂଯୋଗ କରିବା, ପ୍ରତ୍ୟେକ ପ୍ରବାସୀ ଏବଂ ଡିଜିଟାଲ୍ ଉଦ୍ୟୋଗକୁ ସୁଲଭ ଡିଜିଟାଲ୍ ଆର୍ଥିକ ସେବା ପ୍ରଦାନ କରି ଅନ୍ତର୍ଭୁକ୍ତ କରିବ.  ଏଆଇ, ଡିଜିପିନ ଏବଂ ମେସିନ୍ ଶିକ୍ଷଣ ସହିତ ଆଧୁନିକୀକରଣ କରିବା, ଏବଂ ୟୁପିୟୁ-ସମର୍ଥିତ ବୈଷୟିକ ସେଲ୍ ସହିତ ଦକ୍ଷିଣ-ଦକ୍ଷିଣ ସହଭାଗୀତା ମାଧ୍ୟମରେ ସହଯୋଗ କରିବା । "ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିଜିଟାଲ୍ ଇଣ୍ଡିଆ ଦୃଷ୍ଟିକୋଣ ଏବଂ ଏକ ବିକଶିତ ଭାରତ ପାଇଁ କାମ କରିବା ଅଧୀନରେ, ଭାରତୀୟ ଡାକ, ବ୍ୟାପକ ସମାବେଶର ଏକ ଶକ୍ତିଶାଳୀ ଉଦାହରଣ ଭାବରେ ଠିଆ ହୋଇଛି । ଏହାକୁ ଆଲୋକପାତ କରି ଶ୍ରୀ ସିନ୍ଧିଆ କହିଛନ୍ତି, “ଆଧାର, ଜନଧନ ଏବଂ ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କ ସହିତ, ଆମେ ୫୬୦ ନିୟୁତରୁ ଅଧିକ ଆକାଉଣ୍ଟ ଖୋଲିଛୁ, ଯାହା ମଧ୍ୟରୁ ଅଧିକାଂଶ ମହିଳାଙ୍କ ନାମରେ ରହିଛି  । ଭାରତୀୟ ଡାକ ଗତ ବର୍ଷ ୯୦୦ ନିୟୁତରୁ ଅଧିକ ଚିଠି ଏବଂ ପାର୍ସଲ ପ୍ରଦାନ କରିଛି । ଏହା ହେଉଛି ବ୍ୟାପକ ସମାବେଶର ଭାବନା ଯାହାକୁ ଆମେ ବିଶ୍ୱ ସ୍ତରରେ ପହଞ୍ଚାଇଛୁ ।