ନବାଗତ ଛାତ୍ରଛାତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା
Rasmita Behera
ଆସିକା: ଆସ୍କା ବ୍ଲକସ୍ଥିତ କେନ୍ଦୁପଦରର ନିମିନା ବୃନ୍ଦାବନଚନ୍ଦ୍ର ମହାବିଦ୍ୟାଳୟର ଅଧ୍ୟକ୍ଷ ହରି ଶଙ୍କର ପାଣଡେଙ୍କ ସଭାପତିତ୍ୱରେ ଶିକ୍ଷା ବିଭାଗରେ ନବାଗତ ଛାତ୍ରଛାତ୍ରୀଙ୍କ ସ୍ୱାଗତ ସମ୍ବର୍ଦ୍ଧନା ଶଭା ଓ ବାର୍ଷିକ ପାଠଚକ୍ର ଆଲୋଚନା ଆୟୋଜିତ ହୋଇଛି । ଉକ୍ତ କାର୍ଯ୍ୟକ୍ରମରେ ନବାଗତ ସ୍ନାତକ ଛାତ୍ରଛାତ୍ରୀଙ୍କୁ ସ୍ୱାଗତ ଜଣାଇବା ସହ ଅନେକ ପ୍ରେରଣାଦାୟକ ବାର୍ତ୍ତା ପ୍ରଦାନ କରାଯାଇଛି ଓ ଏହା ବ୍ୟତୀତ ପିଲାମାନଙ୍କ ପାଠ୍ୟ ସମ୍ବନ୍ଧୀୟ ସୂଚନା ସୁଶ୍ରୀ ସୋନାଲି ଜେନା, ଅଧ୍ୟାପକ ଅଜିତ କୁମାର ପଟ୍ଟନାୟକଙ୍କ ତତ୍ତ୍ୱାବଧାନରେ ପାଠଚକ୍ର ଉପସ୍ଥାପନ କରିଛନ୍ତି ଓ ଏହି ପାଠଚକ୍ରରେ ନିରଞ୍ଜନ ସରକାରୀ ମହିଳା ମହାବିଦ୍ୟାଳୟର ଶିକ୍ଷା ବିଭାଗର ସହାୟକ ପ୍ରାଧ୍ୟାପକ ଡ଼କ୍ଟର ଲକ୍ଷ୍ମଣ କୁମାର ସୋରେନ ସାଧନ ବ୍ୟକ୍ତି ଭାବେ ଉପସ୍ଥିତ ଥିଲେ ଓ ଉକ୍ତ କାର୍ଯ୍ୟକ୍ରମରେ ଶିକ୍ଷା ବିଭାଗ ମୁଖ୍ୟା ସ୍ୱପ୍ନା ରାଣୀ ପଟ୍ଟନାୟକ ସ୍ୱାଗତ ଅଭିଭାଷଣ ପ୍ରଦାନ କରିବା ସ୍ଥଳେ ଶୈକ୍ଷିକ ଅଧିକାରୀ ଡ଼କ୍ଟର କୁନା ସୁନା ପାଠଚକ୍ରର ତର୍ଜମା କରିଥିଲେ ଓ ସେହିପରି ପ୍ରଶାସନିକ ଅଧିକାରୀ ଅଭିଷେକ ବେହେରା, ଆର୍ଥିକ ଅଧିକାରୀ ରୁଦ୍ରମାଧବ ମହାନ୍ତି, ଅର୍ଥଶାସ୍ତ୍ର ବିଭାଗର ଅଧ୍ୟାପିକା ସୁଶ୍ରୀ ଶୁଭଶ୍ରୀ ସାହୁ ଓ ଓଡ଼ିଆ ବିଭାଗର ଅଧ୍ୟାପିକା ସୁଜାତା ସିଂ ଉପସ୍ଥିତ ଥିଲେ ।
